چاہتوں کا جہان ہے اردو

کرشن موہن

چاہتوں کا جہان ہے اردو

کرشن موہن

MORE BYکرشن موہن

    چاہتوں کا جہان ہے اردو

    راحتوں کا نشان ہے اردو

    عشق کا اعتبار اور وقار

    حسن کی آن بان ہے اردو

    دل فزا ضو کدہ صباحت کا

    اور ملاحت کی کان ہے اردو

    نثر کا ہے خرام خوش ہنگام

    شاعری کی اڑان ہے اردو

    زندہ ہے اپنا ذوق و شوق اس سے

    آرزوؤں کی جان ہے اردو

    لطف ہستی کا رنگ مستی کا

    خوش نما کاروان ہے اردو

    ذکر آرائش خم کاکل

    کیف ہندوستان ہے اردو

    دفتر اتحاد و یک جہتی

    پیار کی داستان ہے اردو

    ایکتا ہے انیکتا میں بھی

    دوست داری کا مان ہے اردو

    غالبؔ و میرؔ اس کے شیدا تھے

    جن کی روح روان ہے اردو

    آتشؔ و مومنؔ و نظیرؔ و جگرؔ

    جن کی رنگیں زبان ہے اردو

    اس کے عاشق نسیمؔ اور چکبستؔ

    جن کے جذبوں کی شان شان ہے اردو

    دوست اس کے سرورؔ اور سرشارؔ

    اس لئے شادمان ہے اردو

    درد مند اس کے پریم چندؔ رہے

    جن کے باعث جوان ہے اردو

    اس کے مشتاق ملاؔ اور فراقؔ

    جن کے دل کا بیان ہے اردو

    نعرہ زن جوشؔ کا خروش اس میں

    جوش کی ترجمان ہے اردو

    فیضؔ و اقبالؔ و کرشن چندر سے

    وسعت بے کران ہے اردو

    دھوم محرومؔ کی ہوئی اس میں

    اور منورؔ کی آن ہے اردو

    راشدؔ و میراجیؔ کی البیلی

    شوخ ادا راز دان ہے اردو

    فطنت و فن کی دولت بیدار

    کرشن موہنؔ کی جان ہے اردو

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY