afsana-e-shahr

Noon Meem Rashid

afsana-e-shahr

Noon Meem Rashid

MORE BYNoon Meem Rashid

    shahr ke shahr afsāna vo ḳhush-fahm magar saada musāfir

    ki jinheñ ishq lalkār ke rahzan ne kahā: aao!

    dikhlā.eñ tumheñ ek dar-e-basta ke asrār ḳhvāb

    shahr ke shahr afsāna vo dil jin ke bayābāñ meñ

    kisī qatra-e-gum-gashta ke nāgāh larazne sadā ne ye kahā:

    ''aao dikhlā.eñ tumheñ sub.h ke hoñToñ pe tabassum sarāb!''

    shahr ke shahr afsāna vahī ārzū-e-ḳhasta ke lañgḌāte hue pair

    ki haiñ aaj bhī afsāne duzdīda o zhūlīda lakīroñ pe ravāñ

    un asīroñ tarah jin ke rag-o-reshe zanjīr jhankār

    bhī tham jaa.e to kah uTTheñ kahāñ

    ''ab kahāñ jā.eñge ham

    jaa.eñ ab taaza o nādīda nigāhoñ ke zamistāñ meñ kahāñ?''

    un asīroñ tarah jin ke liye vaqt be-sarfa salāḳheñ

    na kabhī sard na garm aur na kabhī saḳht na narm

    na rihā.ī pazīrā.ī na asīrī sharm

    shahr ke shahr afsāna vo rūheñ jo sar-e-pul ke sivā

    aur kahīñ vasl juuyā nahīñ

    pul se jinheñ paar utarne tamannā nahīñ

    is yaarā nahīñ!

    shahr ke shahr ka afsana wo KHush-fahm magar sada musafir

    ki jinhen ishq ki lalkar ke rahzan ne kaha: aao!

    dikhlaen tumhein ek dar-e-basta ke asrar ka KHwab

    shahr ke shahr ka afsana wo dil jin ke bayaban mein

    kisi qatra-e-gum-gashta ke nagah larazne ki sada ne ye kaha:

    aao dikhlaen tumhein subh ke honTon pe tabassum ka sarab!

    shahr ke shahr ka afsana wahi aarzu-e-KHasta ke langDate hue pair

    ki hain aaj bhi afsane ki duzdida o zhulida lakiron pe rawan

    un asiron ki tarah jin ke rag-o-reshe ki zanjir ki jhankar

    bhi tham jae to kah uTThen kahan

    ab kahan jaenge hum

    jaen ab taza o nadida nigahon ke zamistan mein kahan?

    un asiron ki tarah jin ke liye waqt ki be-sarfa salaKHen

    na kabhi sard na garm aur na kabhi saKHt na narm

    na rihai ki pazirai na asiri hi ki sharm

    shahr ke shahr ka afsana wo ruhen jo sar-e-pul ke siwa

    aur kahin wasl ki juya hi nahin

    pul se jinhen par utarne ki tamanna hi nahin

    is ka yara hi nahin!

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY