agar qarib se dekho

Chandrabhan Khayal

agar qarib se dekho

Chandrabhan Khayal

MORE BYChandrabhan Khayal

    agar qarīb se dekho to jaan logī tum

    jahāñ hai saañp sūrat vajūd se lipTā

    na kārvāñ na manāzil na rahguzar na safar

    hayāt jaise khaḌā ho koī shajar tanhā

    diloñ meñ pyaas taḌaptī hai raat din apne

    bharī huī hai alam-nāk yaas āñkhoñ meñ

    siyāh bhūtoñ mānind jaag uThte haiñ

    ye be-sukūñ se manāzir udaas āñkhoñ meñ

    tumheñ hai ḳhauf ki jvālā bhaḌak uThe na kahīñ

    maiñ sochtā huuñ jalā duuñ kisī tarah ḳhud ko

    tumheñ hai fikr ki jiine aasrā ho koī

    maiñ chāhtā huuñ miTā duuñ kisī tarah ḳhud ko

    raqīq aag ne sīnoñ ko raakh kar Daalā

    vajūd kaañp rahe haiñ shikast khaa.e hue

    koī pahāḌ koī ban talāsh karte haiñ

    dimāġh bār-e-masā.ib ġham uThā.e hue

    pighal rahe haiñ usūloñ ke āhanī paikar

    hisār karb sulgī huī fasīloñ par

    kuchh is tarah haiñ shab-o-roz gard-ālūda

    Tañge huuñ jaise purāne libās kīloñ par

    agar qarīb se dekho to dil bastī meñ

    na hausle na umañgeñ na garmiyāñ baaqī

    gunāhgār fazāoñ qatl gāhoñ meñ

    haqīqatoñ pata hai na dāstāñ baaqī

    agar qarib se dekho to jaan logi tum

    jahan hai sanp ki surat wajud se lipTa

    na karwan na manazil na rahguzar na safar

    hayat jaise khaDa ho koi shajar tanha

    dilon mein pyas taDapti hai raat din apne

    bhari hui hai alam-nak yas aankhon mein

    siyah bhuton ki manind jag uThte hain

    ye be-sukun se manazir udas aankhon mein

    tumhein hai KHauf ki jwala bhaDak uThe na kahin

    main sochta hun jala dun kisi tarah KHud ko

    tumhein hai fikr ki jine ka aasra ho koi

    main chahta hun miTa dun kisi tarah KHud ko

    raqiq aag ne sinon ko rakh kar Dala

    wajud kanp rahe hain shikast khae hue

    koi pahaD koi ban talash karte hain

    dimagh bar-e-masaib ka gham uThae hue

    pighal rahe hain usulon ke aahani paikar

    hisar karb ki sulgi hui fasilon par

    kuchh is tarah hain shab-o-roz gard-aluda

    Tange hun jaise purane libas kilon par

    agar qarib se dekho to dil ki basti mein

    na hausle na umangen na garmiyan baqi

    gunahgar fazaon ki qatl gahon mein

    haqiqaton ka pata hai na dastan baqi

    RECITATIONS

    Fahad Husain

    Fahad Husain,

    Fahad Husain

    agar qarib se dekho Fahad Husain

    Source :
    • Book : Shoalon Ka Shajar (Pg. 42)
    • Author : Chander Bhan Khayal
    • Publication : Sutoor Parkashan (1969)
    • Edition : 1969
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 2-3-4 December 2022 - Major Dhyan Chand National Stadium, Near India Gate, New Delhi

    GET YOUR FREE PASS
    Speak Now