aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

اے شریف انسانو

ساحر لدھیانوی

اے شریف انسانو

ساحر لدھیانوی

MORE BYساحر لدھیانوی

    دلچسپ معلومات

    (ہندوستان اور پاکستان کی جنگ کے پس منظر میں لکھی گئی اور معاہدہ تاشقند کی سالگرہ پر نشر کی گئی)

    خون اپنا ہو یا پرایا ہو

    نسل آدم کا خون ہے آخر

    جنگ مشرق میں ہو کہ مغرب میں

    امن عالم کا خون ہے آخر

    بم گھروں پر گریں کہ سرحد پر

    روح تعمیر زخم کھاتی ہے

    کھیت اپنے جلیں کہ اوروں کے

    زیست فاقوں سے تلملاتی ہے

    ٹینک آگے بڑھیں کہ پچھے ہٹیں

    کوکھ دھرتی کی بانجھ ہوتی ہے

    فتح کا جشن ہو کہ ہار کا سوگ

    زندگی میتوں پہ روتی ہے

    جنگ تو خود ہی ایک مسئلہ ہے

    جنگ کیا مسئلوں کا حل دے گی

    آگ اور خون آج بخشے گی

    بھوک اور احتیاج کل دے گی

    اس لئے اے شریف انسانو

    جنگ ٹلتی رہے تو بہتر ہے

    آپ اور ہم سبھی کے آنگن میں

    شمع جلتی رہے تو بہتر ہے

    ۲

    برتری کے ثبوت کی خاطر

    خوں بہانا ہی کیا ضروری ہے

    گھر کی تاریکیاں مٹانے کو

    گھر جلانا ہی کیا ضروری ہے

    جنگ کے اور بھی تو میداں ہیں

    صرف میدان کشت و خوں ہی نہیں

    حاصل زندگی خرد بھی ہے

    حاصل زندگی جنوں ہی نہیں

    آؤ اس تیرہ بخت دنیا میں

    فکر کی روشنی کو عام کریں

    امن کو جن سے تقویت پہنچے

    ایسی جنگوں کا اہتمام کریں

    جنگ وحشت سے بربریت سے

    امن تہذیب و ارتقا کے لئے

    جنگ مرگ آفریں سیاست سے

    امن انسان کی بقا کے لیے

    جنگ افلاس اور غلامی سے

    امن بہتر نظام کی خاطر

    جنگ بھٹکی ہوئی قیادت سے

    امن بے بس عوام کی خاطر

    جنگ سرمائے کے تسلط سے

    امن جمہور کی خوشی کے لیے

    جنگ جنگوں کے فلسفے کے خلاف

    امن پر امن زندگی کے لیے

    ویڈیو
    This video is playing from YouTube

    Videos
    This video is playing from YouTube

    توصیف اختر

    توصیف اختر

    ذوالفقار علی بخاری

    ذوالفقار علی بخاری

    نامعلوم

    نامعلوم

    RECITATIONS

    نعمان شوق

    نعمان شوق,

    نعمان شوق

    Ai shareef insano - sahir ludhianvi نعمان شوق

    مأخذ:

    Kulliyat-e-Sahir Ludhianvi (Pg. 210)

    • مصنف: SAHIR LUDHIANVI
      • ناشر: Farid Book Depot (Pvt.) Ltd

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    بولیے