اے زمین وطن
اے وطن اے وطن اے زمین وطن
ہم ہیں تارے ترے تو ہمارا گگن
تیری شہرت زمانے میں صدیوں سے ہے
تو وفا کے فسانے میں صدیوں سے ہے
تو ہمیشہ رہے یوں ہی رشک زمن
اے وطن اے وطن اے زمین وطن
ہم ہیں تارے ترے تو ہمارا گگن
قابل رشک ہے تیرا نام و نمود
اے وطن در حقیقت ہے تیرا وجود
شان گنگ و جمن فخر کوہ و دمن
اے وطن اے وطن اے زمین وطن
ہم ہیں تارے ترے تو ہمارا وطن
لٹنے دیں گے نہ ہرگز تری آبرو
ہر قدم پر تجھے دے کے اپنا لہو
ہم سلامت رکھیں گے ترا بانکپن
اے وطن اے وطن اے زمین وطن
ہم ہیں تارے ترے تو ہمارا گگن
تجھ پہ ڈالے گا کوئی جو اوچھی نظر
سرحدوں سے بڑھے کوئی دشمن اگر
ہم نکل آئیں گے سر پہ باندھے کفن
اے وطن اے وطن اے زمین وطن
ہم ہیں تارے ترے تو ہمارا گگن
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
