ai zindagi

MORE BYMaryam Tasleem Kiyani

    ai zindagī

    to ab tumhārī umr bahāreñ guzar ga.iiñ

    aur ḳhizāñ mausam aane vaalā hai

    achchhā ye batā zindagī

    ki chāñd pariyāñ ab tak

    mere āñgan meñ rozāna

    kyuuñ utartī haiñ

    kyuuñ mujhe āsmānoñ sair karātī haiñ

    maiñ ab tak rañgoñ se kyuuñ kheltī huuñ

    mujhe kā.enāt se pare

    ek duniyā kyuuñ dikhā.ī detī hai

    jahāñ sirf phuul phuul hote haiñ

    aur mīThe paanī ke ābshāroñ meñ

    merā vajūd bhīgtā hai

    maiñ ok bhar kar un se

    paanī kyuuñ piitī huuñ ab tak

    mujhe parindoñ bolī kyuuñ samajh meñ aatī hai

    mujhe sharārat karnā kyuuñ bhātā hai ab tak

    maiñ hañsnā kyuuñ nahīñ bhūlī huuñ

    mere andar bachchī kyuuñ ab tak

    apne TuuTe hue khilaunoñ se kheltī hai

    mere hasīn ḳhvāb kyuuñ nahīñ chhūTe ab tak

    zindagī ai zindagī

    mujhe ye batā

    ki maiñ ne ab tak nafrat karnā kyuuñ nahīñ sīkhā

    ai zindagi

    to ab tumhaari umr ki bahaaren guzar gain

    aur KHizan ka mausam aane wala hai

    achchha tu ye bata zindagi

    ki chand ki pariyan ab tak

    mere aangan mein rozana

    kyun utarti hain

    kyun mujhe aasmanon ki sair karaati hain

    main ab tak rangon se kyun khelti hun

    mujhe kaenat se pare

    ek duniya kyun dikhai deti hai

    jahan sirf phul hi phul hote hain

    aur miThe pani ke aabshaaron mein

    mera wajud bhigta hai

    main ok bhar kar un se

    pani kyun piti hun ab tak

    mujhe parindon ki boli kyun samajh mein aati hai

    mujhe shararat karna kyun bhata hai ab tak

    main hansna kyun nahin bhuli hun

    mere andar ki bachchi kyun ab tak

    apne TuTe hue khilaunon se khelti hai

    mere hasin KHwab kyun nahin chhuTe ab tak

    zindagi ai zindagi

    mujhe ye bata

    ki main ne ab tak nafrat karna kyun nahin sikha

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY