aise nahin hota

Ashfaq Husain

aise nahin hota

Ashfaq Husain

MORE BYAshfaq Husain

    bas ik apne tahaffuz ke liye

    duniyā ko kitnā be-tahaffuz kar diyā tum ne

    ye duniyā vo nahīñ

    jo aaj se pahle thī

    ye farmān jaarī kar diyā tum ne

    magar tum kaun duniyā meñ rahte ho

    ye duniyā to vahī hai

    jis meñ jab chāho

    tum apne hukm manvāte ho

    tāqat zabāñ meñ baat karte ho

    tumhāre hukm ko jo mānñe meñ der karte haiñ

    tum un ko apnī dahshat se Darāte ho

    shikasta haDDiyoñ ko ātishīñ tannūr īñdhan banāte ho

    jo muflis haiñ unheñ tum aur bhī muflis banāte ho

    ye duniyā aaj se pahle bhī

    kab mahfūz thī itnī

    magar mahfūz the tum apnī dīvāroñ ke andar

    aur us dīvār ek iiñT

    aaj apnī jagah se hil ga.ī hai

    sirf ik iiñT

    aur qayāmat mach ga.ī hai

    zarā choT ko

    havvā banā rakkhā hai tum ne

    āsmāñ sar par uThā rakkhā hai tum ne

    hisāb-e-ḳhūñ-bahā ke naam par

    duniyā meñ hañgāma machā rakkhā hai tum ne

    magar apnā hisāb-e-ḳhūñ-bahā lene se pahle

    gino sab hasrateñ jo ḳhuuñ huī haiñ tan ke maqtal meñ

    sanam dikhlā.eñge rāh-e-ḳhudā aise nahīñ hotā

    jo tum kahte ho sab kuchh ho chukā aise nahīñ hotā

    bas ek apne tahaffuz ke liye

    duniya ko kitna be-tahaffuz kar diya tum ne

    ye duniya wo nahin

    jo aaj se pahle thi

    ye farman jari kar diya tum ne

    magar tum kaun si duniya mein rahte ho

    ye duniya to wahi hai

    jis mein jab chaho

    tum apne hukm manwate ho

    taqat ki zaban mein baat karte ho

    tumhaare hukm ko jo manne mein der karte hain

    tum un ko apni dahshat se Daraate ho

    shikasta haDDiyon ko aatishin tannur ka indhan banate ho

    jo muflis hain unhen tum aur bhi muflis banate ho

    ye duniya aaj se pahle bhi

    kab mahfuz thi itni

    magar mahfuz the tum apni diwaron ke andar

    aur us diwar ki ek inT

    aaj apni jagah se hil gai hai

    sirf ek inT

    aur qayamat mach gai hai

    zara si choT ko

    hawwa bana rakkha hai tum ne

    aasman sar par uTha rakkha hai tum ne

    hisab-e-KHun-baha ke nam par

    duniya mein hangama macha rakkha hai tum ne

    magar apna hisab-e-KHun-baha lene se pahle

    gino sab hasraten jo KHun hui hain tan ke maqtal mein

    sanam dikhlaenge rah-e-KHuda aise nahin hota

    jo tum kahte ho sab kuchh ho chuka aise nahin hota

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY