an-kahi

Shahzad Ahmad

an-kahi

Shahzad Ahmad

MORE BY Shahzad Ahmad

    sāñvlī! to mire pahlū meñ hai

    lekin tirī pyāsī āñkheñ

    kabhī dīvār ko taktī haiñ

    kabhī jānib-e-dar dekhtī haiñ

    mujh se is tarah gurezāñ jaise

    unheñ mujh se nahīñ dīvār se kuchh kahnā hai

    ye panchhī haiñ jinheñ

    ek parvāz meñ uḌ jaanā hai

    haath nahīñ aanā hai

    (ai mirī sāñvlī! in āñkhoñ ke donoñ panchhī

    gar uḌe bhī to mire dil taraf ā.eñge)

    sāñvlī! mujh ko tirī āñkhoñ ne

    vo fasāne bhī sunā.e ki jinheñ

    kahnā chāheñ to tire hoñT faqat ''jī'' kah kar

    aur afsānoñ ko dohrāne lagīñ

    begānoñ mānind mire paas se guzre

    to kabhī

    merī taraf dekh ke chalnā bhī gavārā na kare

    lekin āñkhoñ meñ chamak aa jaa.e

    maslahat hoñT to le magar in āñkhoñ ko

    kaise ḳhāmosh rakhe kaise unheñ samjhā.e

    baat kartī hai to āñkheñ nahīñ milne detī

    sāñvlī Dartī hai dil nain jharokoñ meñ na aa.e

    sanwli! to mere pahlu mein hai

    lekin teri pyasi aankhen

    kabhi diwar ko takti hain

    kabhi jaanib-e-dar dekhti hain

    mujh se is tarah gurezan jaise

    unhen mujh se nahin diwar se kuchh kahna hai

    ya ye panchhi hain jinhen

    ek hi parwaz mein uD jaana hai

    hath nahin aana hai

    (ai meri sanwli! in aankhon ke donon panchhi

    gar uDe bhi to mere dil ki taraf aaenge)

    sanwli! mujh ko teri aankhon ne

    wo fasane bhi sunae ki jinhen

    kahna chahen to tere honT faqat ji kah kar

    aur afsanon ko dohrane lagin

    ya tu beganon ki manind mere pas se guzre

    to kabhi

    meri taraf dekh ke chalna bhi gawara na kare

    lekin aankhon mein chamak aa jae

    maslahat honT to si le magar in aankhon ko

    kaise KHamosh rakhe kaise unhen samjhae

    baat karti hai to aankhen nahin milne deti

    sanwli Darti hai dil nain jharokon mein na aae

    Source:

    • Book: Deewar pe dastak (Pg. 617)
    • Author: shahzaad ahmad
    • Publication: Sange meel publications, Lahor (1991)
    • Edition: 1991
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites