andeshe

Kaifi Azmi

andeshe

Kaifi Azmi

MORE BYKaifi Azmi

    ruuh bechain hai ik dil aziyyat kyā hai

    dil sho.ala hai to ye soz-e-mohabbat kyā hai

    vo mujhe bhuul ga.ī is shikāyat kyā hai

    rañj to ye hai ki ro ro ke bhulāyā hogā

    vo kahāñ aur kahāñ kāhish-e-ġham, sozish-e-jāñ

    us rañgīn nazar aur nuqūsh-e-hirmāñ

    us ehsās-e-latīf aur shikast-e-armāñ

    ta.ana-zan ek zamāna nazar aayā hogā

    jhuk ga.ī hogī javāñ-sāl umañgoñ jabīñ

    miT ga.ī hogī lalak, Duub gayā hogā yaqīñ

    chhā gayā hogā dhuāñ, ghuum ga.ī hogī zamīñ

    apne pahle gharauñde ko jo Dhāyā hogā

    dil ne aise bhī kuchh afsāne sunā.e hoñge

    ashk āñkhoñ ne piye aur na bahā.e hoñge

    band kamre meñ jo ḳhat mere jalā.e hoñge

    ek ik harf jabīñ par ubhar aayā hogā

    us ne ghabrā ke nazar laakh bachā.ī hogī

    miT ke ik naqsh ne sau shakl dikhā.ī hogī

    mez se jab mirī tasvīr haTā.ī hogī

    har taraf mujh ko taḌaptā huā paayā hogā

    be-mahal chheḌ pe jazbāt ubal aa.e hoñge

    ġham pashemān-e-tabassum meñ Dhal aa.e hoñge

    naam par mere jab aañsū nikal aa.e hoñge

    sar na kāñdhe se sahelī ke uThāyā hogā

    zulf zid kar ke kisī ne jo haTā.ī hogī

    rūThe jalvoñ pe ḳhizāñ aur bhī chhā.ī hogī

    barq ashvoñ ne ka.ī din na girā.ī hogī

    rañg chehre pe ka.ī roz na aayā hogā

    ruh bechain hai ek dil ki aziyyat kya hai

    dil hi shoala hai to ye soz-e-mohabbat kya hai

    wo mujhe bhul gai is ki shikayat kya hai

    ranj to ye hai ki ro ro ke bhulaya hoga

    wo kahan aur kahan kahish-e-gham, sozish-e-jaan

    us ki rangin nazar aur nuqush-e-hirman

    us ka ehsas-e-latif aur shikast-e-arman

    tana-zan ek zamana nazar aaya hoga

    jhuk gai hogi jawan-sal umangon ki jabin

    miT gai hogi lalak, Dub gaya hoga yaqin

    chha gaya hoga dhuan, ghum gai hogi zamin

    apne pahle hi gharaunde ko jo Dhaya hoga

    dil ne aise bhi kuchh afsane sunae honge

    ashk aankhon ne piye aur na bahae honge

    band kamre mein jo KHat mere jalae honge

    ek ek harf jabin par ubhar aaya hoga

    us ne ghabra ke nazar lakh bachai hogi

    miT ke ek naqsh ne sau shakl dikhai hogi

    mez se jab meri taswir haTai hogi

    har taraf mujh ko taDapta hua paya hoga

    be-mahal chheD pe jazbaat ubal aae honge

    gham pasheman-e-tabassum mein Dhal aae honge

    nam par mere jab aansu nikal aae honge

    sar na kandhe se saheli ke uThaya hoga

    zulf zid kar ke kisi ne jo haTai hogi

    ruThe jalwon pe KHizan aur bhi chhai hogi

    barq ashwon ne kai din na girai hogi

    rang chehre pe kai roz na aaya hoga

    Videos
    This video is playing from YouTube

    Videos
    This video is playing from YouTube

    Jagjit Singh

    Jagjit Singh

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY