andheri shab se ek la-hasil

Shamsur Rahman Faruqi

andheri shab se ek la-hasil

Shamsur Rahman Faruqi

MORE BYShamsur Rahman Faruqi

    añdherī shab ke sharmīle mo.attar kaan meñ us ne kahā vo shaḳhs

    duur uftāda lekin mere dil tarah raushan hai

    jo mere paañv ke talve hathelī ke gulābī gaal meñ

    kāñTā chubhtā hai

    jo mere jism khetī pe bārish chhalāvā hai

    vo jis aañkh qātil

    havas ik muntazir lekin na zāhir hone vaale phuul mānind

    bechainī meñ rakhtī hai mujhe vo

    aane vaalā hai

    magar vo shaḳhs is shab bhī nahīñ aayā

    bhalā TuuTī kalā.ī se

    vo saare ḳhvāb sab vaade mulāqātoñ ke paimāne

    kahāñ sambhleñ

    bhalā be-nūr āñkhoñ meñ vo sūrat

    jham jhamātī tund josh-e-ḳhūn se garmi-e-lab tak tamtamātī

    kis tarah ruktī

    añdherī raat ne

    dekhā na kuchh sunñā chāhā us ke gosh-e-nāzuk aur chashm-e-siyah māsūm hote haiñ

    andheri shab ke sharmile moattar kan mein us ne kaha wo shaKHs

    dur uftada lekin mere dil ki tarah raushan hai

    jo mere panw ke talwe hatheli ke gulabi gal mein

    kanTa sa chubhta hai

    jo mere jism ki kheti pe barish ka chhalawa hai

    wo jis ki aankh ki qatil

    hawas ek muntazir lekin na zahir hone wale phul ki manind

    bechaini mein rakhti hai mujhe wo

    aane wala hai

    magar wo shaKHs is shab bhi nahin aaya

    bhala TuTi kalai se

    wo sare KHwab sab wade mulaqaton ke paimane

    kahan sambhlen

    bhala be-nur aankhon mein wo surat

    jham jhamati tund josh-e-KHun se garmi-e-lab tak tamtamati

    kis tarah rukti

    andheri raat ne

    dekha na kuchh sunna hi chaha us ke gosh-e-nazuk aur chashm-e-siyah masum hote hain

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY