اپنے گاؤں میں
جب کسی فرصت میں ہم آتے ہیں اپنے گاؤں میں
کیا بتائیں کیا خوشی پاتے ہیں اپنے گاؤں میں
روز گھر سے ہم نکلتے ہیں ٹہلنے کے لئے
ساتھ ہو جاتے ہیں کچھ بچے بھی چلنے کے لئے
کب کمی ہوتی ہے کچھ بھی دل بہلنے کے لئے
پیار کے جب گیت ہم گاتے ہیں اپنے گاؤں میں
کیا بتائیں کیا خوشی پاتے ہیں اپنے گاؤں میں
صاف پانی لہلہاتے کھیت پاکیزہ ہوا
سیدھے سادے لوگ پھر اس کی محبت کی ادا
کب کمی ہوتی ہے کچھ بھی دل بہلنے کے لئے
پیار کے جب گیت ہم گاتے ہیں اپنے گاؤں میں
کیا بتائیں کیا خوشی پاتے ہیں اپنے گاؤں میں
اس کی مٹی سے بنے اس کی ہواؤں میں بڑھے
پھول کی صورت اسی کی گود میں ہم بھی کھلے
آج بھی قائم ہیں اس کی شفقتوں کے سلسلے
ہم کہیں ہوں دل مگر پاتے ہیں اپنے گاؤں میں
کیا بتائیں کیا خوشی پاتے ہیں اپنے گاؤں میں
مأخذ:
علامہ شبنم کمالی حیات و خدمات (Pg. 87)
- مصنف: محمد قمرالدین نانپوری
-
- ناشر: صائمہ پبلی کیشنز، پٹنہ
- سن اشاعت: 2010
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
