ہمیں بتایا گیا ہے
سرد قہقہوں کے آہنی جمود سے
شمالی مریخ پر نئے ساحل بنائے جائیں گے
نسبتاً کم سنجیدہ لڑکیاں
ہماری محبوبائیں نہیں بن سکتیں
البرٹا کے لینڈسکیپ میں
ونڈ ملز کے چکراتے سائے
ٹیولپس کی آنکھوں سے برف ہٹائیں گے
عبادت گاہ کی دیواروں پر کندہ
خدا کے فرمان پر پھول رکھنے کے عوض
وہ ہم سے بد ظن نہیں ہوگا
ڈیفوڈلز کے ہاتھ اکارڈین بجائیں گے
جن سے پھوٹتی تھکی ہاری موسیقیت
سٹریٹ لائٹ کی بوڑھی روشنی تان کر سو جائے گی
واشنگٹن ڈی سی میں چیری کے درختوں پر
نئے سال کے خواب اگائے جائیں گے
ساگانو کے سبز بانسوں سے
وائلن کے تار بنائے جائیں گے جن پر
ریڈ انڈین ماؤں کے سینوں سے پگھلتی
نیلی بد دعائیں بجائی جائیں گی
جواں مرگ حسیناؤں کی گول سسکیاں
شکستہ پیانو کی دراڑوں سے
مردہ گیتوں کے فنگرپرنٹس ادھیڑ لیں گی
زنگ آلود کھڑکی کے میلے شیشوں سے
کانپتی انگلیوں کی نقرئی الجھنیں
ادھوری نظموں کے لاشے کھرچ لیں گی
اس سے پہلے کہ ہم خوف زدہ ہوں
ہم سے پہلے تخلیق کی جانے والی
ہماری محبوباؤں کے جسمانی ارتقا سے
جسم ہونٹوں پر تقسیم کئے جائیں گے
برف زدہ پرندے ہمیں دیکھ پائیں گے
ہمارے گناہ مقدس ہیں
انجان دوشیزہ کی فرمائش پر لکھے گئے ناول کی طرح
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
