اصل دولت

مرے نونہالو وطن ہے تمہارا

تمہی گل ہو اس کے چمن ہے تمہارا

زیاں وقت کا تو نہیں بات اچھی

بری ہے یہ عادت یہی بات سچی

پڑھو گے لکھو گے بڑھو گے تم آگے

یہ دنیا بھلے تیز جتنا ہی بھاگے

بناؤ شعار اپنا محنت کو ہر دم

پڑھائی کو دو آٹھ گھنٹے کم از کم

پڑھائی کی عادت کو جانو سمندر

ملے گا ہر اک راز ہی اس کے اندر

پڑھائی میں عظمت پڑھائی ہے دولت

ہے ملتی اسی کی بدولت ہی عزت

مرے نونہالو مری بات مانو

پڑھائی کی نعمت کی تم قدر جانو