asl KHatra

nahīñ ye mumkin nahīñ

ye sab kār-e-rā.egāñ hai

kahāñ se lā.eñge ham bhalā itnī ghanTiyāñ

jitnī billiyāñ haiñ

maiñ ek būḌhā udaas chūhā

bas itnā kah kar

tamām kartā huuñ baat apnī

vo sirf billī nahīñ jise ham ko dekhnā hai

vo aisā ḳhatra nahīñ hai shāyad

ki us kī har chaal se to ham phir bhī āshnā haiñ

magar vo chūhā

gale meñ ghanTī jo Daal kar aa.ine ke aage khaḌā huā hai

jo ek tamġhoñ kī shakl meñ us ko dekhtā hai

vo asl ḳhatra hai

jis kā rakhnā hai dhyān ham ko

tamām

ḳhūñḳhār billiyoñ kī hai ruuh us meñ

nahin ye mumkin nahin

ye sab kar-e-raegan hai

kahan se laenge hum bhala itni ghanTiyan

jitni billiyan hain

main ek buDha udas chuha

bas itna kah kar

tamam karta hun baat apni

wo sirf billi nahin jise hum ko dekhna hai

wo aisa KHatra nahin hai shayad

ki us ki har chaal se to hum phir bhi aashna hain

magar wo chuha

gale mein ghanTi jo Dal kar aaine ke aage khaDa hua hai

jo ek tamghon ki shakl mein us ko dekhta hai

wo asl KHatra hai

jis ka rakhna hai dhyan hum ko

tamam

KHunKHar billiyon ki hai ruh us mein