aurat

MORE BYShatir Hakeemi

    rahā hai apnī manzil taraf māh-e-tamām

    jaise qabroñ ke mujāvir jaise masjid ke imaam

    ḳhānqāhoñ meñ huā kartā hai jaise bil-umūm

    shaiḳh ḳhidmat meñ hāzir hai murīdoñ hujūm

    is tarah mehrāb meñ rakkhī hai ilhāmī kitāb

    jaise ik zāhid īmāñ jaise ik baasī gulāb

    taaq meñ rakkhī huī hai ik taraf ik jā-namāz

    uud ḳhushbū se hai mahkā huā har pāk-bāz

    mahv hai zikr-e-ḳhafī meñ zāhid-e-shab zinda-dār

    baiThe baiThe chauñk paḌtā hai magar be-iḳhtiyār

    piir sāhab nahīñ har shaḳhs hai khoyā huā

    nā-gahāñ un meñ se ik yuuñ bā-adab goyā huā

    hādī-e-rāh-e-tarīqat murshid-e-raushan-zamīr

    āsmān-e-azm-o-istiqlāl ke mehr-e-munīr

    kyā kabhī aurat nazzāra bhī kar saktā huuñ maiñ

    kyā kabhī is raah se āsāñ guzar saktā huuñ maiñ

    dekhnā us taraf hargiz na ai mard-e-javāñ

    varna miT jā.egā peshānī se sajde nishāñ

    aap irshād sar-āñkhoñ pe lekin Dar ye hai

    chubh na jaa.e phāñs ban kar dil meñ ye nāzuk shai

    yaad rakh dil par na hone paa.e aurat asar

    muskurā.e bhī agar āñkhoñ meñ āñkheñ Daal kar

    ik zarā baat kar luuñ to kyā ho jā.egā

    bas yahī aap rahbar ḳhafā ho jā.egā

    tujh ko apnī fikr karnī chāhiye har haal meñ

    achchhe achchhe log aa jaate haiñ is chaal meñ

    is pe la.anat ho ḳhudā ye hai shaitānoñ raah

    saiñkaḌoñ mardoñ ko kar detī hai ik pal meñ tabāh

    guftugū ye ḳhatm hone bhī na paa.ī thī abhī

    ek aurat god meñ bachcha liye dāḳhil huī

    piir ghabrā.e murīdoñ ko pasīna aa gayā

    zindagī har taḳhayyul maut ban kar chhā gayā

    ja raha hai apni manzil ki taraf mah-e-tamam

    jaise qabron ke mujawir jaise masjid ke imam

    KHanqahon mein hua karta hai jaise bil-umum

    shaiKH ki KHidmat mein hazir hai muridon ka hujum

    is tarah mehrab mein rakkhi hai ilhami kitab

    jaise ek zahid ka iman jaise ek basi gulab

    taq mein rakkhi hui hai ek taraf ek ja-namaz

    ud ki KHushbu se hai mahka hua har pak-baz

    mahw hai zikr-e-KHafi mein zahid-e-shab zinda-dar

    baiThe baiThe chaunk paDta hai magar be-iKHtiyar

    pir sahab hi nahin har shaKHs hai khoya hua

    na-gahan un mein se ek yun ba-adab goya hua

    hadi-e-rah-e-tariqat murshid-e-raushan-zamir

    aasman-e-azm-o-istiqlal ke mehr-e-munir

    kya kabhi aurat ka nazzara bhi kar sakta hun main

    kya kabhi is rah se aasan guzar sakta hun main

    dekhna us ki taraf hargiz na ai mard-e-jawan

    warna miT jaega peshani se sajde ka nishan

    aap ka irshad sar-ankhon pe lekin Dar ye hai

    chubh na jae phans ban kar dil mein ye nazuk si shai

    yaad rakh dil par na hone pae aurat ka asar

    muskurae bhi agar aankhon mein aankhen Dal kar

    ek zara si baat hi kar lun to kya ho jaega

    bas yahi na aap sa rahbar KHafa ho jaega

    tujh ko apni fikr karni chahiye har haal mein

    achchhe achchhe log aa jate hain is ki chaal mein

    is pe lanat ho KHuda ki ye hai shaitanon ki rah

    sainkaDon mardon ko kar deti hai ek pal mein tabah

    guftugu ye KHatm hone bhi na pai thi abhi

    ek aurat god mein bachcha liye daKHil hui

    pir ghabrae muridon ko pasina aa gaya

    zindagi ka har taKHayyul maut ban kar chha gaya

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY