Font by Mehr Nastaliq Web

aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

aurat ki taKHliq

Izhaar Malihabadi

aurat ki taKHliq

Izhaar Malihabadi

MORE BYIzhaar Malihabadi

    ġhuncha-o-gul nik.hat churā.ī ga.ī

    bijliyoñ harārat churā.ī ga.ī

    gulistāñ havāoñ ko dhunkā gayā

    bulbuloñ sadāoñ ko dhunkā gayā

    barf ko barq pāroñ ko piisā gayā

    abr ko chāñd tāroñ ko piisā gayā

    kohsār-o-gulistāñ tarāshe ga.e

    lāl-o-yāqūt-o-marjāñ tarāshe ga.e

    chāñdnī-rāt husn chhīnā gayā

    kahkashāñ ke piyāle meñ gūñdhā gayā

    zindagānī ke ruḳhsār dho.e ga.e

    shādmānī ke motī piro.e ga.e

    āhanī shāhrāheñ galā.ī ga.iiñ

    shabnamī shāhrāheñ bichā.ī ga.iiñ

    māh-e-nau shuāoñ ko chhānā gayā

    āsmānoñ zamīnoñ ko dhoyā gayā

    zamzamoñ ke samundar ḳhañghāle ga.e

    ārzūoñ ke motī nikāle ga.e

    dil-navāzī jazba ubhārā gayā

    naujavānī chehra nikhārā gayā

    shāḳh-e-gul nazākat ubālī ga.ī

    narm bāñhoñ ke sāñche meñ Dhālī ga.ī

    aur phir sab ko ik milāyā gayā

    gūñdh kar ek putlā banāyā gayā

    muddatoñ chāñd-tāroñ meñ paalā gayā

    phir vo aurat ke sāñche meñ Dhālā gayā

    har kalī baaġh meñ raqs karne lagī

    zehn meñ koī sūrat ubharne lagī

    ek āvāz aa.ī ki aurat huuñ maiñ

    barq huuñ zalzala huuñ qayāmat huuñ maiñ

    sun ke āvāz sajde meñ sab jhuk ga.e

    āñdhiyāñ tham ga.iiñ zalzale ruk ga.e

    chūḌiyāñ havā meñ khanakne lagīñ

    chhāgaleñ fazā meñ chhanakne lagīñ

    shiddat-e-shauq se aag paanī huī

    kohsāroñ poshāk dhānī huī

    narm shāḳheñ chaman meñ lachakne lagīñ

    ārzūoñ kaliyāñ chaTakne lagīñ

    phir vo āvāz ghuñghaT se aane lagī

    shiddat-e-shauq ko āzmāne lagī

    aur ghuñghaT jo ruḳh se sarakne lagā

    aadmī kyā ḳhudā bhī bahakne lagā

    zulf bikhrī to shab añdherā huā

    muskurā.ī to pahlā saverā huā

    aañkh bikhrī to shab añdherā huā

    muskurā.ī to pahlā saverā huā

    aañkh uThā.ī to motī se barsā ga.ī

    saañs to har ik shai meñ jaan aa ga.ī

    barbat-e-ġham se naġhme nikalne lage

    zindagānī ke chashme ubalne lage

    ishq ne baḌh ke qadmoñ pe sajda kiyā

    dahr samt use phir ravāna kiyā

    ghuncha-o-gul ki nikhat churai gai

    bijliyon ki hararat churai gai

    gulistan ki hawaon ko dhunka gaya

    bulbulon ki sadaon ko dhunka gaya

    barf ko barq paron ko pisa gaya

    abr ko chand taron ko pisa gaya

    kohsar-o-gulistan tarashe gae

    lal-o-yaqut-o-marjaan tarashe gae

    chandni-raat ka husn chhina gaya

    kahkashan ke piyale mein gundha gaya

    zindagani ke ruKHsar dhoe gae

    shadmani ke moti piroe gae

    aahani shahrahen galai gain

    shabnami shahrahen bichai gain

    mah-e-nau ki shuaon ko chhana gaya

    aasmanon zaminon ko dhoya gaya

    zamzamon ke samundar KHanghaale gae

    aarzuon ke moti nikale gae

    dil-nawazi ka jazba ubhaara gaya

    naujawani ka chehra nikhaara gaya

    shaKH-e-gul ki nazakat ubaali gai

    narm banhon ke sanche mein Dhaali gai

    aur phir sab ko ek ja milaya gaya

    gundh kar ek putla banaya gaya

    muddaton chand-taron mein pala gaya

    phir wo aurat ke sanche mein Dhaala gaya

    har kali bagh mein raqs karne lagi

    zehn mein koi surat ubharne lagi

    ek aawaz aai ki aurat hun main

    barq hun zalzala hun qayamat hun main

    sun ke aawaz sajde mein sab jhuk gae

    aandhiyan tham gain zalzale ruk gae

    chuDiyan si hawa mein khanakne lagin

    chhagalen si faza mein chhanakne lagin

    shiddat-e-shauq se aag pani hui

    kohsaron ki poshak dhani hui

    narm shaKHen chaman mein lachakne lagin

    aarzuon ki kaliyan chaTakne lagin

    phir wo aawaz ghunghaT se aane lagi

    shiddat-e-shauq ko aazmane lagi

    aur ghunghaT jo ruKH se sarakne laga

    aadmi kya KHuda bhi bahakne laga

    zulf bikhri to shab ka andhera hua

    muskurai to pahla sawera hua

    aankh bikhri to shab ka andhera hua

    muskurai to pahla sawera hua

    aankh uThai to moti se barsa gai

    sans li to har ek shai mein jaan aa gai

    barbat-e-gham se naghme nikalne lage

    zindagani ke chashme ubalne lage

    ishq ne baDh ke qadmon pe sajda kiya

    dahr ki samt use phir rawana kiya

    Source :

    related content

    Nazm

    aurat ne janam diya mardon ko mardon ne use bazar diya

    aurat ne janam diya mardon ko mardon ne use bazar diya

    Sahir Ludhianvi
    ગુજરાતી ભાષા-સાહિત્યનો મંચ : રેખ્તા ગુજરાતી

    ગુજરાતી ભાષા-સાહિત્યનો મંચ : રેખ્તા ગુજરાતી

    મધ્યકાલથી લઈ સાંપ્રત સમય સુધીની ચૂંટેલી કવિતાનો ખજાનો હવે છે માત્ર એક ક્લિક પર. સાથે સાથે સાહિત્યિક વીડિયો અને શબ્દકોશની સગવડ પણ છે. સંતસાહિત્ય, ડાયસ્પોરા સાહિત્ય, પ્રતિબદ્ધ સાહિત્ય અને ગુજરાતના અનેક ઐતિહાસિક પુસ્તકાલયોના દુર્લભ પુસ્તકો પણ તમે રેખ્તા ગુજરાતી પર વાંચી શકશો

    0
    COMMENTS
    VIEW COMMENTS VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now