awam

mushkil vaqt meñ

agar kuchh log hamārī madad nahīñ kar rahe

to hameñ

in ke baare meñ sochnā tark nahīñ karnā chāhiye

aur jo log apnī āvāzoñ se

apnī maujūdgī kā ehsās dilā rahe haiñ

hameñ un kā bhī ḳhayāl rakhnā chāhiye

bahut ziyāda kasmapursī ke aalam meñ

hameñ sirf na.are nahīñ lagāne chāhiyeñ

bahut ziyāda bebasī kī hālat meñ

hameñ apnī muTThiyāñ

ghar kī dīvāroñ aur darvāzoñ par

nahīñ mārnī chāhiyeñ

apne sāthiyoñ ke shor

aur apnī chīḳhoñ se ghabrā kar

hameñ apnī bātoñ ko dohrānā band karnā chāhiye

hameñ takrār karnī chāhiye

har us lafz kī

jis kī vaj.h se hamārā vajūd

abhī tak baaqī hai

hameñ takrār karnī chāhiye

har us ḳhayāl kī

jis ke aate hī

bahut se logoñ ke rauñgTe khaḌe ho jaate haiñ

apnī māyūsī, apnī nā-umīdī ko

hameñ ek giit banā lenā chāhiye

aur apnī bhuuk aur apnī pyaas se

ek chābuk

jise haath meñ le kar

apne ḳhvāboñ kī victoriya dauḌāte hue

hameñ apne mahl meñ

dāḳhil ho jaanā chāhiye

mushkil waqt mein

agar kuchh log hamari madad nahin kar rahe

to hamein

in ke bare mein sochna tark nahin karna chahiye

aur jo log apni aawazon se

apni maujudgi ka ehsas dila rahe hain

hamein un ka bhi KHayal rakhna chahiye

bahut ziyaada kasmapursi ke aalam mein

hamein sirf nare nahin lagane chahiyen

bahut ziyaada bebasi ki haalat mein

hamein apni muTThiyan

ghar ki diwaron aur darwazon par

nahin marni chahiyen

apne sathiyon ke shor

aur apni chiKHon se ghabra kar

hamein apni baaton ko dohrana band karna chahiye

hamein takrar karni chahiye

har us lafz ki

jis ki wajh se hamara wajud

abhi tak baqi hai

hamein takrar karni chahiye

har us KHayal ki

jis ke aate hi

bahut se logon ke raungTe khaDe ho jate hain

apni mayusi, apni na-umidi ko

hamein ek git bana lena chahiye

aur apni bhuk aur apni pyas se

ek chabuk

jise hath mein le kar

apne KHwabon ki wictoriya dauDate hue

hamein apne mahl mein

daKHil ho jaana chahiye