‘azm-e-nau

maiñ jiinā chāhtā huuñ

is zamīñ par

āsmāñ ban kar

maiñ jiinā chāhtā huuñ

is zamīñ par

kahkashāñ ban kar

maiñ jiinā chāhtā huuñ

is zamīñ par

phuul ḳhushbū chāñdnī ban kar

maiñ jiinā chāhtā huuñ

is zamīñ par

sub.h-e-nau ban kar

maiñ jiinā chāhtā huuñ

is zamīñ par

dopahar meñ saa.e kī sūrat

maiñ jiinā chāhtā huuñ

is zamīñ par

aise bachchoñ kī tarah

jin ko farishte apne hāthoñ se sajāte haiñ

ki jin ke

rāstoñ meñ devtā palkeñ bichhāte haiñ

maiñ jiinā chāhtā huuñ

is zamīñ par

aise peḌoñ kī tarah

jin kā ghanā saaya

musāfir kī thakan

be-imtiyāz-e-maz.hab-o-millat

chhupā letā hai apnī maḳhmalī palkoñ kī chhāoñ meñ

'atā kartā hai phir

ik ‘azm-e-nau

manzil kī jānib baḌhte rahne kā

main jina chahta hun

is zamin par

aasman ban kar

main jina chahta hun

is zamin par

kahkashan ban kar

main jina chahta hun

is zamin par

phul KHushbu chandni ban kar

main jina chahta hun

is zamin par

subh-e-nau ban kar

main jina chahta hun

is zamin par

dopahar mein sae ki surat

main jina chahta hun

is zamin par

aise bachchon ki tarah

jin ko farishte apne hathon se sajate hain

ki jin ke

raston mein dewta palken bichhate hain

main jina chahta hun

is zamin par

aise peDon ki tarah

jin ka ghana saya

musafir ki thakan

be-imtiyaz-e-mazhab-o-millat

chhupa leta hai apni maKHmali palkon ki chhaon mein

'ata karta hai phir

ek ‘azm-e-nau

manzil ki jaanib baDhte rahne ka