ganga ro rahi thi

Zubair Rizvi

ganga ro rahi thi

Zubair Rizvi

MORE BYZubair Rizvi

    mujhe ma.alūm hai

    tum ne mujhe bachpan se paalā thā

    bahut rātoñ ko tum jaage the

    aur tum ne mirī āñkhoñ meñ apne ḳhvāb rakhe the

    kabhī jātak kathā.eñ dāstāneñ

    aur kabhī tārīḳh ke qisse sunā.e the

    mujhe harfoñ ko jab pahchānñā aayā thā

    tum ne sab sahīfe aur vo saarī kitābeñ

    jo tumhārā zindagī-bhar asāsa thiiñ

    mujhe paḌhne ko thiiñ

    aur vo tum the mujhe chāroñ dishāoñ meñ

    safar karnā sikhāyā

    maiñ kabhī kāshī kabhī mathurā

    kabhī makke madīne ghūmtā rahtā

    kabhī baġhdād istanbul pahuñchā

    aur kabhī maiñ ne samarqand-o-buḳhārā meñ qadam rakkhā

    kabhī maiñ isfahāñ aur najd-o-kūfe meñ phirā

    jab muddatoñ ke ba.ad vāpas lauT kar aayā to

    gautam chuke the

    raam ayodhya meñ nahīñ the

    tum kisī ik qabr meñ so.e hue the

    aur mere saath

    gañgā ro rahī thī

    mujhe malum hai

    tum ne mujhe bachpan se pala tha

    bahut raaton ko tum jage the

    aur tum ne meri aankhon mein apne KHwab rakhe the

    kabhi jatak kathaen dastanen

    aur kabhi tariKH ke qisse sunae the

    mujhe harfon ko jab pahchanna aaya tha

    tum ne sab sahife aur wo sari kitaben

    jo tumhaara zindagi-bhar ka asasa thin

    mujhe paDhne ko di thin

    aur wo tum the mujhe chaaron dishaon mein

    safar karna sikhaya

    main kabhi kashi kabhi mathura

    kabhi makke madine ghumta rahta

    kabhi baghdad istanbul pahuncha

    aur kabhi main ne samarqand-o-buKHara mein qadam rakkha

    kabhi main isfahan aur najd-o-kufe mein phira

    jab muddaton ke baad wapas lauT kar aaya to

    gautam ja chuke the

    ram ayodhya mein nahin the

    tum kisi ek qabr mein soe hue the

    aur mere sath

    ganga ro rahi thi

    Source:

    • Book : Sang-ge-Sada (Pg. 135)
    • Author : Zubair Razvi
    • Publication : Zehne Jadid, New Delhi (2014)
    • Edition : 2014
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY