بچوں کا گیت
لڑکپن کی خوشیوں کا اعجاز ہیں ہم
ٹھہرتے نہیں جوش پرواز ہیں ہم
کہ ماں باپ کے دل کی آواز ہیں ہم
ہمارا گلستاں ہماری بہاریں
ہمیں ہیں بزرگوں کو بہلانے والے
شرارت میں دلچسپیاں پانے والے
ستاروں سے لڑ لڑ کے سو جانے والے
ہماری بہاریں ہمارا گلستاں
کبھی جوش میں جھوم کر ہم جو گائیں
کبھی مست ہو کر جو دھومیں مچائیں
فرشتے نگاہوں میں جلوے دکھائیں
ہماری بہاریں ہمارا گلستاں
گھٹاؤں نے ہم کو مچلنا سکھایا
ہواؤں نے کروٹ بدلنا سکھایا
ستاروں نے بے خوف چلنا سکھایا
ہماری بہاریں ہمارا گلستاں
گل زندگی ہے نکھرتے رہیں گے
نکھرتے رہیں گے سنورتے رہیں گے
نئی منزلوں سے گزرتے رہیں گے
ہماری بہاریں ہمارا گلستاں
مأخذ:
سب رس (Pg. 25)
-
- ناشر: خواجہ حمید الدین شاہد
- سن اشاعت: 1941
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
