bachchon ka KHat chacha KHarru shechof aur mamun candy

Raja Mehdi Ali Khan

bachchon ka KHat chacha KHarru shechof aur mamun candy

Raja Mehdi Ali Khan

MORE BYRaja Mehdi Ali Khan

    ai chachā ḳharrū shichof ai māmūñ candy assalām

    ek ḳhat hai ye māmūñ aur chachā donoñ ke naam

    aap donoñ adab karnā hamārā farz hai

    phir bhī sun liije jo chhoTī hamārī arz hai

    aap donoñ haiñ bahādur sūrmā kyā is meñ shak

    ek bādal garaj hai ek sho.ale lapak

    aap donoñ ke bayāñ sun sun ke Dar jaate haiñ ham

    dham se aa girte haiñ ham bachchoñ pe ye lafzoñ ke bam

    Dar ke chhup jaate haiñ apnī maaoñ ke āġhosh meñ

    kaash ham behosh ho kar phir na aa.eñ hosh meñ

    aap donoñ laḌ paḌe to jaane kyā ho jā.egā

    do minute meñ is jahāñ ḳhātma ho jā.egā

    aag lag jā.egī is duniyā ko mar jā.eñge sab

    jo bayāñ dete haiñ vo ḳhāmosh ho jā.eñge lab

    do minute zinda raheñge ham bhī marne ke liye

    kaun phir baaqī rahegā raaj karne ke liye

    aisā lagtā hai ki kuchh din aur jiinā hai muhāl

    gar nahīñ apnā to bachchoñ kuchh kiije ḳhayāl

    ik taraf nafrat khaḌī hai dūsrī jānib ġhurūr

    qahr chakkī meñ pis jaa.eñ na bachche be-qusūr

    le chuke haiñ aap to bhar ke duniyā ke maze

    ham ko in se duur rakhnā chāhte haiñ kis liye

    gar ijāzat ho to ham bachche bhī duniyā dekh leñ

    chaar din ham bhī ye bhālū tamāshā dekh leñ

    kuchh bhī to schōl aur ghar ke sivā dekhā nahīñ

    aap kahiye aap ne duniyā meñ kyā dekhā nahīñ

    jañg mat kiije na duniyā imārat Dhā.iye

    sochiye kuchh ġhaur kiije dekhiye baaz aa.iye

    aap ne duniyā sajā.ī thī miTāne ke liye

    aql sham.eñ jalā.ī thiiñ bujhāne ke liye

    ilm-o-hikmat science ne thī taraqqī ke liye

    aql sham.eñ jalā.ī thiiñ bujhāne ke liye

    ilm-o-hikmat science ne thī taraqqī kis liye

    nīst-o-nābūd aaj ham kar deñ use kyā is liye

    ham ne maanā aap aapas meñ hai kuchh iḳhtilāf

    ik jagah ham baiTh kar kar leñ na kyuuñ dil apne saaf

    apnī is duniyā hālat is qadar jab zaar hai

    is ko dekheñ chāñd meñ jaanā abhī be-kār hai

    duur kiije dil se nafrat aur gale mil lījiye

    zindagī justujū meñ ḳhud-kushī mat kījiye

    jañg karnī hai to kiije ho magar aisī vo jañg

    āsmāñ bhī jañg aisī dekh kar ho jaa.e dañg

    jañg ke baare meñ ham bachchoñ ik tajvīz hai

    taaki sab ḳhush ho ke boleñ jañg achchhī chiiz hai

    aap ko ma.asūm bachchoñ hai gar kuchh bhī ḳhayāl

    baiThe baiThe ek dam ho jā.iye ġhusse se laal

    kho.e topeñ liye maidān meñ aa jā.iye

    in se ras-gulloñ ke gole har taraf barsā.iye

    mīThe gole aap topoñ ke ham khāte raheñ

    hoñT ye qaumī tarāne dam-ba-dam gaate raheñ

    hoñ har ik bandūq meñ rabḌī ke rañgīñ kartōs

    aur har ik tank Tañkī meñ mausammī juice

    aap ke dushman faujoñ ko ho jab ġhusse pyaas

    pesh kiije muskurā kar un ko sharbat gilās

    duudh ke sāgar meñ hoñ kuuze misrī ke jahāz

    jis meñ hoñ jāsūs siine meñ liye toffē ke raaz

    bam phaTeñ to un se nikleñ jhaT khilaune be-shumār

    Thā ho aur lag jaa.e guDDoñ aur guḌiyoñ qatār

    gar koī bīmār ho chillā rahā ho pen se

    chokleT pahuñchā.iye jhaT us ko airplane se

    koī nā-māqūl aa kar gāliyāñ bhī de agar

    us se kahiye bhaag haT tere muñh meñ ghī shakar

    tiir ulfat ke chaleñ golī chale ehsān

    ḳhatm kar diije ra.ūnat is tarah insān

    chappe chappe par jahāñ meñ aise atom-bomb phaTeñ

    is jahālat ke añdhere meñ ujālā jo kareñ

    rockitoñ meñ ho madad lākhoñ ġharīboñ ke liye

    aur agan būToñ meñ ḳhushiyāñ bad-nasīboñ ke liye

    bhūke bachchoñ par falak se roTiyāñ barsā.iye

    moze juute kuchh qamīzeñ nekareñ phikvā.iye

    jañg bārūd meñ zaa.e.a na kiije māl-o-zar

    muskurā kar Dāliye lākhoñ ġharīboñ par nazar

    jo ġharībī thakan se ho rahe haiñ chūr-chūr

    un jebeñ fāltū noToñ se bhar diije huzūr

    pyaar ulfat har zaḳhmī ko marham dījiye

    apnī ḳhushiyāñ de ke dukh vāloñ ke dukh le lījiye

    jo bhalā.ī meñ maza hai vo burā.ī meñ nahīñ

    bandagī meñ jo maza hai vo ḳhudā.ī meñ nahīñ

    ye jahāñ pyārā jahāñ kyuuñ jañg meñ barbād ho

    is zamīñ par kyoñ na jannat pyaar ābād ho

    joḌ kar ham haath nanhe ḳhat ko karte haiñ tamām

    aap ke bachchoñ ko sab duniyā ke bachchoñ ko salām

    ai chacha KHarru shichof ai mamun candy assalam

    ek hi KHat hai ye mamun aur chacha donon ke nam

    aap donon ka adab karna hamara farz hai

    phir bhi sun lije jo chhoTi si hamari arz hai

    aap donon hain bahadur surma kya is mein shak

    ek baadal ki garaj hai ek shoale ki lapak

    aap donon ke bayan sun sun ke Dar jate hain hum

    dham se aa girte hain hum bachchon pe ye lafzon ke bam

    Dar ke chhup jate hain apni maon ke aaghosh mein

    kash hum behosh ho kar phir na aaen hosh mein

    aap donon laD paDe to jaane kya ho jaega

    do minute mein is jahan ka KHatma ho jaega

    aag lag jaegi is duniya ko mar jaenge sab

    jo bayan dete hain wo KHamosh ho jaenge lab

    do minute zinda rahenge hum bhi marne ke liye

    kaun phir baqi rahega raj karne ke liye

    aisa lagta hai ki kuchh din aur jina hai muhaal

    gar nahin apna to bachchon hi ka kuchh kije KHayal

    ek taraf nafrat khaDi hai dusri jaanib ghurur

    qahr ki chakki mein pis jaen na bachche be-qusur

    le chuke hain aap to ji bhar ke duniya ke maze

    hum ko in se dur rakhna chahte hain kis liye

    gar ijazat ho to hum bachche bhi duniya dekh len

    chaar din hum bhi ye bhaalu ka tamasha dekh len

    kuchh bhi to school aur ghar ke siwa dekha nahin

    aap kahiye aap ne duniya mein kya dekha nahin

    jang mat kije na duniya ki imarat Dhaiye

    sochiye kuchh ghaur kije dekhiye baz aaiye

    aap ne duniya sajai thi miTane ke liye

    aql ki shamen jalai thin bujhane ke liye

    ilm-o-hikmat science ne ki thi taraqqi ke liye

    aql ki shamen jalai thin bujhane ke liye

    ilm-o-hikmat science ne ki thi taraqqi kis liye

    nist-o-nabud aaj hum kar den use kya is liye

    hum ne mana aap ka aapas mein hai kuchh iKHtilaf

    ek jagah hum baiTh kar kar len na kyun dil apne saf

    apni is duniya ki haalat is qadar jab zar hai

    is ko dekhen chand mein jaana abhi be-kar hai

    dur kije dil se nafrat aur gale mil lijiye

    zindagi ki justuju mein KHud-kushi mat kijiye

    jang karni hai to kije ho magar aisi wo jang

    aasman bhi jang aisi dekh kar ho jae dang

    jang ke bare mein hum bachchon ki ek tajwiz hai

    taki sab KHush ho ke bolen jang achchhi chiz hai

    aap ko masum bachchon ka hai gar kuchh bhi KHayal

    baiThe baiThe ek dam ho jaiye ghusse se lal

    khoe ki topen liye maidan mein aa jaiye

    in se ras-gullon ke gole har taraf barsaiye

    miThe gole aap ki topon ke hum khate rahen

    honT ye qaumi tarane dam-ba-dam gate rahen

    hon har ek banduq mein rabDi ke rangin kartoos

    aur har ek tank ki Tanki mein mausammi ka juice

    aap ke dushman ki faujon ko ho jab ghusse ki pyas

    pesh kije muskura kar un ko sharbat ka gilas

    dudh ke sagar mein hon kuze ki misri ke jahaz

    jis mein hon jasus sine mein liye toffee ke raaz

    bam phaTen to un se niklen jhaT khilaune be-shumar

    Tha ho aur lag jae guDDon aur guDiyon ki qatar

    gar koi bimar ho chilla raha ho pen se

    chokleT pahunchaiye jhaT us ko airplane se

    koi na-maqul aa kar galiyan bhi de agar

    us se kahiye bhag ja haT tere munh mein ghi shakar

    tir ulfat ke chalen goli chale ehsan ki

    KHatm kar dije raunat is tarah insan ki

    chappe chappe par jahan mein aise atom-bomb phaTen

    is jahaalat ke andhere mein ujala jo karen

    rockiton mein ho madad lakhon gharibon ke liye

    aur agan buTon mein KHushiyan bad-nasibon ke liye

    bhuke bachchon par falak se roTiyan barsaiye

    moze jute kuchh qamizen nekaren phikwaiye

    jang ki barud mein zaea na kije mal-o-zar

    muskura kar Daliye lakhon gharibon par nazar

    jo gharibi ki thakan se ho rahe hain chur-chur

    un ki jeben faltu noTon se bhar dije huzur

    pyar ka ulfat ka har zaKHmi ko marham dijiye

    apni KHushiyan de ke dukh walon ke dukh le lijiye

    jo bhalai mein maza hai wo burai mein nahin

    bandagi mein jo maza hai wo KHudai mein nahin

    ye jahan pyara jahan kyun jang mein barbaad ho

    is zamin par kyon na jannat pyar ki aabaad ho

    joD kar hum hath nanhe KHat ko karte hain tamam

    aap ke bachchon ko sab duniya ke bachchon ko salam

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 2-3-4 December 2022 - Major Dhyan Chand National Stadium, Near India Gate, New Delhi

    GET YOUR FREE PASS
    Speak Now