baghawat

ġharībī tang-dastī meñ qanā.at hai baġhāvat hai

na daulat hai na rāhat hai na izzat hai baġhāvat hai

alam hai yaas hai ġham hai musībat hai baġhāvat hai

akelī jaan hai sadma ba-kasrat hai baġhāvat hai

kisī se baat karnā bhī musībat hai baġhāvat hai

zamāne se agar ham ko shikāyat hai baġhāvat hai

ravāñ āñkhoñ se ashk-e-ġham ba-kasrat hai baġhāvat hai

numāyāñ ḳhūn-e-dil kī hālat hai baġhāvat hai

balā hai kyā musībat hai baġhāvat hai baġhāvat hai

zabāñ par aaj duniyā kī hikāyat hai baġhāvat hai

ma.āz-allāh kyā ham par qayāmat hai baġhāvat hai

har ik zarra ye kahtā hai baġhāvat hai baġhāvat hai

ajab daur-e-musībat hai baġhāvat hai baġhāvat hai

jahāñ meñ har taraf apnī ye shohrat hai baġhāvat hai

ajab duniyā kī hālat hai baġhāvat hai baġhāvat hai

zamāne ko na jaane kyoñ shikāyat hai baġhāvat hai

hamārī jaan tak nazr-e-ināyat hai baġhāvat hai

vafādārī pe dhabba hai ye tohmat hai baġhāvat hai

gharibi tang-dasti mein qanaat hai baghawat hai

na daulat hai na rahat hai na izzat hai baghawat hai

alam hai yas hai gham hai musibat hai baghawat hai

akeli jaan hai sadma ba-kasrat hai baghawat hai

kisi se baat karna bhi musibat hai baghawat hai

zamane se agar hum ko shikayat hai baghawat hai

rawan aankhon se ashk-e-gham ba-kasrat hai baghawat hai

numayan KHun-e-dil ki haalat hai baghawat hai

bala hai kya musibat hai baghawat hai baghawat hai

zaban par aaj duniya ki hikayat hai baghawat hai

maaz-allah kya hum par qayamat hai baghawat hai

har ek zarra ye kahta hai baghawat hai baghawat hai

ajab daur-e-musibat hai baghawat hai baghawat hai

jahan mein har taraf apni ye shohrat hai baghawat hai

ajab duniya ki haalat hai baghawat hai baghawat hai

zamane ko na jaane kyon shikayat hai baghawat hai

hamari jaan tak nazr-e-inayat hai baghawat hai

wafadari pe dhabba hai ye tohmat hai baghawat hai