بہت سے بچوں کا گھر

احمد ندیم قاسمی

بہت سے بچوں کا گھر

احمد ندیم قاسمی

MORE BYاحمد ندیم قاسمی

    ابا تو چلے گئے ہیں دفتر

    امی کو بخار آ رہا ہے

    چھمن تو گیا ہوا ہے بازار

    جمن کھانا پکا رہا ہے

    زیبن کو اسی کا تازہ بچہ

    پکا گانا سنا رہا ہے

    امجد صوفے پر کوئلے سے

    کالا طوطا بنا رہا ہے

    اسلم دادی کی لے کے تصویر

    اس کی مونچھیں اگا رہا ہے

    توقیر بلیڈ کے کمالات

    قالین پہ آزما رہا ہے

    چھ سات تپائیاں ملا کر

    اکبر گاڑی چلا رہا ہے

    تسنیم بنی ہوئی ہے گھوڑا

    جو میز پہ بھاگا جا رہا ہے

    اخترؔ پردے کی جھالروں سے

    بلی کو دلہن بنا رہا ہے

    ننھا اقبال لیٹے لیٹے

    ندی نالے بہا رہا ہے

    سنتے ہیں کہ عنقریب ان کا

    ایک اور بھی بھائی آ رہا ہے

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY