barf

MORE BYRaj Narayan Raaz

    kal shab

    jab sūraj ne

    apnī āñkheñ mūñdīñ

    apnā dāman khīñchā

    aur havā sarpaT ghoḌā bāñdh diyā

    aur falak par ik jānib se

    chādar maTyālī taanī

    pariyāñ

    halke sīmīñ un ke par

    raftār ḳhirāmāñ

    utreñ

    dhīre

    dhīre

    jaise par hoñ

    dosh-e-havā par

    utreñ

    pariyāñ

    mil kar

    raqsāñ raqs lai maddham

    aahaT raushan shabnam

    lai halkī sur dhīmā

    dhīmā

    chāñdī chādar meñ pariyāñ

    sīmīñ pariyāñ

    ek tasalsul ek adā se utrīñ

    utrīñ

    shāḳh-e-shajar par

    chhat par

    dar par

    farsh-e-siyah par

    ye sab raushan the ujle the

    jaise abraq

    chupke chupke chheḌ rahī thiiñ

    shāḳhoñ ke barbat ko

    jaise niiñd meñ khoyā mutrib

    apnī uñglī jumbish se

    ḳhvāb-āvar naġhmāt jagā.e

    hāthoñ meñ thā saaz anokhā

    lab pe ḳhamoshī ke naġhme the

    raqsāñ

    raqs lai maddham

    raqs meñ thiiñ

    shab

    sīmīñ pariyāñ

    farsh thā ab ujlā ujlā

    shāḳh-e-shajar

    chhat

    dar

    chāñdī thā pairāhan

    un ke lams meñ ik jaadū thā

    har ik shai se

    ek anokhī hīroñ jaise aab thī paidā

    ūñchā peḌ sanobar

    mauhūm asā hāthoñ meñ thāme

    jashn-e-shab ko dekh rahā thā

    rañgat us badlī badlī

    yuuñ goyā thā

    maiñ ne dekhā hai

    raat raahī vaqt se pahle

    ik mailī chādar oḌhe

    gahrī niiñd meñ Duubā

    naddī-nāle gum-sum

    jharne chup chup

    maiñ ne dekhā

    ujlā ujlā ḳhema gul

    shāḳh

    shajar

    chāñdī thā pairāhan

    bharā huā thā chāñdī-far se

    shab dāman

    kal shab

    jab suraj ne

    apni aankhen mundin

    apna daman khincha

    aur hawa ka sarpaT ghoDa bandh diya

    aur falak par ek jaanib se

    chadar maTyali si tani

    pariyan

    halke simin un ke par

    raftar KHiraman

    utren

    dhire

    dhire

    jaise par hon

    dosh-e-hawa par

    utren

    pariyan

    mil kar

    raqsan raqs ki lai maddham si

    aahaT raushan shabnam si

    lai halki sur dhima

    dhima

    chandi si chadar mein pariyan

    simin pariyan

    ek tasalsul ek ada se utrin

    utrin

    shaKH-e-shajar par

    chhat par

    dar par

    farsh-e-siyah par

    ye sab raushan the ujle the

    jaise abraq

    chupke chupke chheD rahi thin

    shaKHon ke barbat ko

    jaise nind mein khoya mutrib

    apni ungli ki jumbish se

    KHwab-awar naghmat jagae

    hathon mein tha saz anokha

    lab pe KHamoshi ke naghme the

    raqsan

    raqs ki lai maddham si

    raqs mein thin

    shab

    simin pariyan

    farsh tha ab ujla ujla sa

    shaKH-e-shajar ka

    chhat ka

    dar ka

    chandi ka sa tha pairahan

    un ke lams mein ek jadu tha

    har ek shai se

    ek anokhi hiron jaise aab thi paida

    uncha peD sanobar ka

    mauhum asa hathon mein thame

    jashn-e-shab ko dekh raha tha

    rangat us ki badli badli

    yun goya tha

    main ne dekha hai

    raat ka rahi waqt se pahle

    ek maili si chadar oDhe

    gahri nind mein Duba

    naddi-nale gum-sum

    jharne chup chup

    main ne dekha

    ujla ujla KHema gul ka

    shaKH

    shajar ka

    chandi ka sa tha pairahan

    bhara hua tha chandi-far se

    shab ka daman

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY