barsat aur shair

Azeemuddin Ahmad

barsat aur shair

Azeemuddin Ahmad

MORE BYAzeemuddin Ahmad

    thā daraḳhtoñ ko abhī ālam-e-hairat aisā

    jaise dilbar se yakāyak koī ho jaa.e do-chār

    Dāliyāñ hilne lageñ tez havā.eñ jo chaleñ

    patte patte meñ nazar aane lagī taaza bahār

    sansanāhaT huī jhoñkoñ se havā ke aisī

    chhaT ga.iiñ huuñ kahīñ lākhoñ havā.ī yakbār

    ra.ad garjā are vo dekhnā bijlī chamkī

    halkī halkī vo paḌne lagī būñdoñ phuvār

    raat tārīk hai aayā hai umañD kar bādal

    maiñ akelā na koī yaar na koī ġham-ḳhvār

    sard jhoñkoñ meñ havā ke hai latāfat aur dil

    us ḳhvāhāñ hai nahīñ milne ke jis ke āsār

    aisī bechainī ḳhudāyā na ho dushman ko nasīb

    us se bad-tar na kisī ko ho ilāhī āzār

    tha daraKHton ko abhi aalam-e-hairat aisa

    jaise dilbar se yakayak koi ho jae do-chaar

    Daliyan hilne lagen tez hawaen jo chalen

    patte patte mein nazar aane lagi taza bahaar

    sansanahaT hui jhonkon se hawa ke aisi

    chhaT gain hun kahin lakhon hi hawai yakbar

    rad garja are wo dekhna bijli chamki

    halki halki si wo paDne lagi bundon ki phuwar

    raat tarik hai aaya hai umanD kar baadal

    main akela na koi yar na koi gham-KHwar

    sard jhonkon mein hawa ke hai latafat aur dil

    us ka KHwahan hai nahin milne ke jis ke aasar

    aisi bechaini KHudaya na ho dushman ko nasib

    us se bad-tar na kisi ko ho ilahi aazar

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY