بھارت کا نشان
آؤ منائیں ہم سب مل کر اب جشن آزادی
دیس کا جھنڈا اونچا رکھیں ہاتھ بنیں فولادی
پورب میں پھر لہرا اٹھا امن و اماں کا پرچم
برگ گل پر ناچ رہی ہے موتی جیسی شبنم
ندیوں نے پھر چھیڑ دیا ہے آزادی کا سرگم
آؤ منائیں ہم سب مل کر اب جشن آزادی
دیس کا جھنڈا اونچا رکھیں ہاتھ بنیں فولادی
آزادی کی خاطر دی ہے ہم سب نے قربانی
ابوالکلام اور نہرو جیسے نیتا تھے لا ثانی
ان کے عزم کے آگے ہو گئے دشمن پانی پانی
آؤ منائیں ہم سب مل کر اب جشن آزادی
دیس کا جھنڈا اونچا رکھیں ہاتھ بنیں فولادی
ماضی کے غم آج بھلا کر مستقبل چمکائیں
آپس کے سب بھید مٹا کر پیار کے نغمے گائیں
گنگ و جمن کی اس دھرتی کو پھولوں سے مہکائیں
آؤ منائیں ہم سب مل کر اب جشن آزادی
دیس کا جھنڈا اونچا رکھیں ہاتھ بنیں فولادی
مأخذ:
تصویر وطن (Pg. 20)
- مصنف: مسعودہ حیات
-
- سن اشاعت: 1992
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
