بھارت کے نوجوانوں سے اپیل

آفتاب رئیس پانی پتی

بھارت کے نوجوانوں سے اپیل

آفتاب رئیس پانی پتی

MORE BYآفتاب رئیس پانی پتی

    سنو مادر ہند کے نونہالو

    صداقت پہ گردن کٹا لینے والو

    اٹھو خواب غفلت مٹا لو مٹا لو

    کمر بستہ ہو جاؤ ہمت بڑھا لو

    تمہیں گام ہمت بڑھانا پڑے گا

    وطن کا مقدر جگانا پڑے گا

    ترقی کا بھارت کی نغمہ سنا دو

    محبت کی گنگا دلوں میں بہا دو

    جو خفتہ ہیں مدت سے ان کو جگا دو

    صداقت کا دیدوں کی ڈنکا بجا دو

    کرو جلد سیراب اجڑے چمن کو

    لگیں چار چاند آج اپنے وطن کو

    پڑے ہیں کہیں دین کی جاں کے لالے

    کہیں دل ہلاتے ہیں بیکس کے نالے

    ہوئے ہیں کہیں نیم جاں بھولے بھالے

    مصیبت کے چکر میں ہیں ہند والے

    چلا ہے کسی کے کلیجے پہ نشتر

    دھواں آہ کا ہے کسی کے لبوں پر

    بھروسہ زمیں کا نہ چرخ کہن کا

    توکل ہے پر ماتما پر وطن کا

    نظارہ ہے گلزار کشور میں بن کا

    ہوا خار ہر پھول اپنے چمن کا

    نہ چھوڑو مگر حوصلہ شیر مردو

    اٹھو بیڑا منجھدار سے پار کر دو

    شکایت کا کرنا نہیں یاد تم کو

    نہیں عادت شور و فریاد تم کو

    ستم گر کرے لاکھ برباد تم کو

    کرے گردش چرخ ناشاد تم کو

    ذرا کان پر جوں نہ رینگے تمہارے

    چلیں گردنوں پہ جو خنجر دو دھارے

    صدا ظلم کی آ رہی ہے جہاں سے

    کہ ظاہر ہیں بیداد پیر و جواں سے

    ٹپکتی ہیں گر حسرتیں اب یہاں سے

    لپکتے ہیں شعلے ستم کے وہاں سے

    مگر تم ہو اس پہ بھی محو قناعت

    قناعت نہیں یہ ہے ضعف و کسالت

    مأخذ :

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY