bhuk mein dabe bachpan

sharīr meñ koī taḌap sī hogī

yā koī aadat sī paḌī hogī

ka.ī dino kī ka.ī chīzo kī bhuuk to hogī

koī maqsad hogā yā yuuñ hī

zindagī nañge paañv kī dauḌ hogī

dhuup ko pardoñ se vāpas bhej diyā amīroñ ne

vo jā kar ka.ī āñkhoñ meñ añdhere bhar rahī hogī

kuchh hai nahīñ Takrāne ko kyā usī kāran

māyūsī meñ lipTī nīndeñ phail ke so rahī hogī

ḳhvāboñ meñ pariyāñ khīñch ke laa.ī jaatī hoñgī

bebasī chand nivāloñ se gale utārī hogī

mahfiloñ meñ kaun sī ḳhāsiyat baTtī hogī

kitnī ūñchā.ī pe sapne rakhe jaate hoñge

kyā ḳhvāboñ kī parībhāshā bhī paḌhā.ī jaatī hogī

āñkhoñ se bahtī zid se hāsil kyā hotā hogā

kyā TūTne pe phuuT phuuT ke rotī hoñgī

kaun se qisse hoñge jo ḳhālī peT hañsī nikaltī hogī

buḳhār meñ ārām ke liye kaun se bahāne dharte hoñge

gāḌiyoñ ke tyre ke nishān siine pe paḌte hoñge

saḌkoñ pe ka.ī bachpan bhuuk meñ dab ke marte hoñge

sharir mein koi taDap si hogi

ya koi aadat si paDi hogi

kai dino ki kai chizo ki bhuk to hogi

koi maqsad hoga ya yun hi

zindagi nange panw ki dauD hogi

dhup ko pardon se wapas bhej diya amiron ne

wo ja kar kai aankhon mein andhere bhar rahi hogi

kuchh hai nahin Takrane ko kya usi karan

mayusi mein lipTi ninden phail ke so rahi hogi

KHwabon mein pariyan khinch ke lai jati hongi

bebasi chand niwalon se gale utari hogi

mahfilon mein kaun si KHasiyat baTti hogi

kitni unchai pe sapne rakhe jate honge

kya KHwabon ki paribhasha bhi paDhai jati hogi

aankhon se bahti zid se hasil kya hota hoga

kya TuTne pe phuT phuT ke roti hongi

kaun se qisse honge jo KHali peT hansi nikalti hogi

buKHar mein aaram ke liye kaun se bahane dharte honge

gaDiyon ke tyre ke nishan sine pe paDte honge

saDkon pe kai bachpan bhuk mein dab ke marte honge