bhuri miTTi ki tah ko haTaen

chalo ham bhī kuchh haath paañv hilā.eñ

zamīñ par utartī huī barf ke sard bosoñ se ḳhud ko bachā.eñ

nigāhoñ meñ vahshat zabāñ par kaḌakte hue bol laa.eñ

ghane dam-ba-dam jalte bujhte hue bādaloñ se guzar kar

sitāroñ ke jhurmuT ko hāthoñ kī poroñ se do-nīm kar ke baḌheñ

barf ke ik taḌaḳhte pighalte jahannam meñ utreñ

siyāhī ke yaḳh-basta marqad pe aañsū bahā.eñ

chaTTāneñ agar baasī sadiyoñ kī gāḌhī ghanī giilī badbū meñ

luthḌī paḌī haiñ to kyā hai

agar ghaas kī laash ko barf kī ek mailī razā.ī ne

āñgan ko murda daraḳhtoñ kī bhūbal ne Dhāñpā huā hai to kyā hai

ki ham raakh ke Dher

girtī huī barf ke lajlaje narm gaale

kasīlī sī badbū ke bhabke nahīñ haiñ

tujhe kyā ḳhabar ham

zamīñ kī tarah bhūrī miTTī kī ik khaal oḌhe hue haiñ

agar haath ham ko mayassar nahīñ haiñ to kyā hai

chalo apnī palkoñ ke nezoñ se is bhūrī miTTī kī tah ko haTā.eñ

chalo tez sho.aloñ ke dozaḳh meñ utreñ

ubalte hue tund laave kī maujoñ meñ dhūnī ramā.eñ

chalo hum bhi kuchh hath panw hilaen

zamin par utarti hui barf ke sard boson se KHud ko bachaen

nigahon mein wahshat zaban par kaDakte hue bol laen

ghane dam-ba-dam jalte bujhte hue baadalon se guzar kar

sitaron ke jhurmuT ko hathon ki poron se do-nim kar ke baDhen

barf ke ek taDaKHte pighalte jahannam mein utren

siyahi ke yaKH-basta marqad pe aansu bahaen

chaTTanen agar basi sadiyon ki gaDhi ghani gili badbu mein

luthDi paDi hain to kya hai

agar ghas ki lash ko barf ki ek maili razai ne

aangan ko murda daraKHton ki bhubal ne Dhanpa hua hai to kya hai

ki hum rakh ke Dher

girti hui barf ke lajlaje narm gale

kasili si badbu ke bhabke nahin hain

tujhe kya KHabar hum

zamin ki tarah bhuri miTTi ki ek khaal oDhe hue hain

agar hath hum ko mayassar nahin hain to kya hai

chalo apni palkon ke nezon se is bhuri miTTi ki tah ko haTaen

chalo tez shoalon ke dozaKH mein utren

ubalte hue tund lawe ki maujon mein dhuni ramaen