bulandi aur pasti

zarā pastī-e-qaum-o-millat ko dekho

aur is kī zarā zaar hālat ko dekho

zarā daa.eñ aur baa.eñ gardan phirāo

aur ham-sāya qaumoñ kī hālat ko dekho

har ik qaum hai ilm-o-hikmat meñ aage

aur apnī tabāhī-o-ġhurbat ko dekho

har ik qaum bedār hai kis tarah se

aur apne bhī tum ḳhvāb-e-ġhaflat ko dekho

khulī har taraf haiñ taraqqī kī rāheñ

jo tum vaqt aur apnī hālat ko dekho

jahāñ meñ panapne kī kyā kyā haiñ rāheñ

kitāb-e-taraqqī-o-nusrat ko dekho

karo ġhaur pastī pe apnī zarā tum

aur agle buzurgoñ kī azmat ko dekho

sabab kyā huā mil ga.e ḳhaak meñ ham

jo the gard-e-rāh un kī izzat ko dekho

ḳhudā ke ġhazab kī nishānī hai zāhir

ye bigḌī huī apnī hālat ko dekho

agar bhuul baiThe ho paiġhām-e-ḳhāliq

hadīs aur qur.ān kī aayat ko dekho

ki ham ne bigāḌā nahīñ koī ab tak

vo bigḌā nahīñ aap duniyā meñ jab tak

zara pasti-e-qaum-o-millat ko dekho

aur is ki zara zar haalat ko dekho

zara daen aur baen gardan phirao

aur ham-saya qaumon ki haalat ko dekho

har ek qaum hai ilm-o-hikmat mein aage

aur apni tabahi-o-ghurbat ko dekho

har ek qaum bedar hai kis tarah se

aur apne bhi tum KHwab-e-ghaflat ko dekho

khuli har taraf hain taraqqi ki rahen

jo tum waqt aur apni haalat ko dekho

jahan mein panapne ki kya kya hain rahen

kitab-e-taraqqi-o-nusrat ko dekho

karo ghaur pasti pe apni zara tum

aur agle buzurgon ki azmat ko dekho

sabab kya hua mil gae KHak mein hum

jo the gard-e-rah un ki izzat ko dekho

KHuda ke ghazab ki nishani hai zahir

ye bigDi hui apni haalat ko dekho

agar bhul baiThe ho paigham-e-KHaliq

hadis aur quran ki aayat ko dekho

ki hum ne bigaDa nahin koi ab tak

wo bigDa nahin aap duniya mein jab tak