aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

chand ka husn

Salam Sandelvi

chand ka husn

Salam Sandelvi

MORE BYSalam Sandelvi

    maiñ ne maanā ki faqat Dher chaTānoñ hai chāñd

    us ke andar gul-o-nasrīñ nazārā na sahī

    chāñd ke husn meñ vaaq.e na huī koī kamī

    us ke andar kisī lailā ishārā na sahī

    ḳhār-o-maidāñ haiñ kahīñ aur kahīñ sang-o-reg

    chāñd ke gird havā hai na hai us meñ paanī

    chāñd dilbarī in bātoñ se kuchh kam na huī

    chāñd is vaqt bhī ra.anā.ī meñ hai lā-sānī

    ma.arka sar kiyā amrīkī ḳhalā-bāzoñ ne

    is haqīqat se to inkār nahīñ hai mujh ko

    chāñd ke husn un logoñ ne parda kiyā chaak

    is ġhalat baat iqrār nahīñ hai mujh ko

    chāñd ke dasht meñ insān ne hai tahqīq

    kholā hai chāñd pe tahrīk-o-amal nayā baab

    ḳhāk-e-mahtāb meñ insāñ ko nazar aa.ī namī

    kam huā kis tarah in bātoñ se husn-e-mahtāb

    baat ye sach hai ki tārīḳh meñ bār-e-avval

    chāñd satah pe insāñ ne qadam rakkhā hai

    chāñd bazm meñ insāñ ne kiyā ḳhurd-o-nosh

    is ne le ke vahāñ apnā alam rakkhā hai

    lekin is fat.h se kuchh kam na huā chāñd husn

    charḳh pe chāñd turkāna ravish hai ab bhī

    chāñdnī raat usī tarah hai farhat-angez

    chāñdnī raat meñ pahlī kashish hai ab bhī

    ye to ma.alūm thā pahle se ham logoñ ko

    mah-e-kāmil ziyā hai koī aur kafīl

    is haqīqat se ham āgāh bahut pahle the

    chāñd raushnī sūraj hai aks-e-jamīl

    phir bhī ham chāñd ko kahte rahe paikar-e-nūr

    us ra.anā.ī pe har vaqt rahe ham shaidā

    atā us ne taḳhayyul ko ru-pahlī parvāz

    us ke ik naam se lākhoñ hue mazmūñ paidā

    ab bhī ham chāñd meñ karte haiñ tabassum mahsūs

    āriz-e-māh meñ hai phuul rū-e-ḳhandāñ

    ab bhī mahtāb ke lau dete hue chehre par

    kisī mahbūb ke ruḳhsār hotā hai gumāñ

    lākhoñ chīzeñ haiñ hasīñ mahfil-e-duniyā meñ magar

    aisī shai mil nahīñ saktī hai kahīñ se ham ko

    chāñd bad-shakl hai dekheñ jo ḳhalā meñ kar

    chāñd lagtā hai hasīñ ab bhī zamīñ se ham ko

    main ne mana ki faqat Dher chaTanon ka hai chand

    us ke andar gul-o-nasrin ka nazara na sahi

    chand ke husn mein waqe na hui koi kami

    us ke andar kisi laila ka ishaara na sahi

    KHar-o-maidan hain kahin aur kahin sang-o-reg

    chand ke gird hawa hai na hai us mein pani

    chand ki dilbari in baaton se kuchh kam na hui

    chand is waqt bhi ranai mein hai la-sani

    marka sar kiya amriki KHala-bazon ne

    is haqiqat se to inkar nahin hai mujh ko

    chand ke husn ka un logon ne parda kiya chaak

    is ghalat baat ka iqrar nahin hai mujh ko

    chand ke dasht mein insan ne ki hai tahqiq

    khola hai chand pe tahrik-o-amal ka naya bab

    KHak-e-mahtab mein insan ko nazar aai nami

    kam hua kis tarah in baaton se husn-e-mahtab

    baat ye sach hai ki tariKH mein bar-e-awwal

    chand ki satah pe insan ne qadam rakkha hai

    chand ki bazm mein insan ne kiya KHurd-o-nosh

    is ne le ja ke wahan apna alam rakkha hai

    lekin is fath se kuchh kam na hua chand ka husn

    charKH pe chand ki turkana rawish hai ab bhi

    chandni raat usi tarah hai farhat-angez

    chandni raat mein pahli si kashish hai ab bhi

    ye to malum tha pahle hi se hum logon ko

    mah-e-kaamil ki ziya ka hai koi aur kafil

    is haqiqat se hum aagah bahut pahle the

    chand ki raushni suraj hi ka hai aks-e-jamil

    phir bhi hum chand ko kahte hi rahe paikar-e-nur

    us ki ranai pe har waqt rahe hum shaida

    ki ata us ne taKHayyul ko ru-pahli parwaz

    us ke ek nam se lakhon hue mazmun paida

    ab bhi hum chand mein karte hain tabassum mahsus

    aariz-e-mah mein hai phul ka ru-e-KHandan

    ab bhi mahtab ke lau dete hue chehre par

    kisi mahbub ke ruKHsar ka hota hai guman

    lakhon chizen hain hasin mahfil-e-duniya mein magar

    aisi shai mil nahin sakti hai kahin se hum ko

    chand bad-shakl hai dekhen jo KHala mein ja kar

    chand lagta hai hasin ab bhi zamin se hum ko

    Source:

    Barg-o-Bar (Pg. 109)

    • Author: Salam Sandelvi
      • Publisher: Naseem Book Depot, Lucknow
      • Year of Publication: 1976
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now