aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

chaar sal baad

Tanveer Anjum

chaar sal baad

Tanveer Anjum

MORE BYTanveer Anjum

    phir aaj chaar saal ba.ad usī jagah khaḌī huuñ maiñ

    chabūtre pe gard dabīz tah jamī huī

    guzartī sā.atoñ ke ġham daroñ meñ chīḳhte hue

    udaas khiḌkiyoñ ke rañg dukh meñ bhīgte hue

    ye ḳhvāb bistaraoñ chādaroñ meñ sūkhte hue

    vo phuul ek baar jis tarah yahāñ sajā.e the

    usī tarah se un ke zard naqsh kāñpte hue

    phir aaj chaar saal ba.ad usī jagah khaḌī huuñ maiñ

    havā na-jāne kitnī baar dar pe aa ke chukī

    na-jāne kitnī baar khiḌkiyoñ pe dastakeñ huiiñ

    na-jāne kitne qahqahoñ ko log bhuul bhī chuke

    chabūtre pe gard dabīz tah ne kah diyā

    ki muddatoñ se yaañ kisī ne dāstāñ nahīñ likhī

    phir aaj chaar saal ba.ad usī jagah khaḌī huuñ maiñ

    haveliyoñ tumtarāq TuuT kar bikhar chukā

    chaman se ab bahār har ik nasha utar chukā

    anāniyat shikast-ḳhurda ḳhāmushī meñ Dhal chukī

    aur aaj gumbadoñ meñ apnī guuñj sun rahī huuñ maiñ

    ki muddatoñ se ghar meñ muskurāhaTeñ na jal sakīñ

    phir aaj chaar saal ba.ad usī jagah khaḌī huuñ maiñ

    magar vo naam to kahīñ khude hue haiñ peḌ par

    maiñ roz-o-shab āñdhiyoñ ko apne ghar meñ rahūñ

    maiñ shaam ko udāsiyoñ meñ ik daraḳht ke tale

    purāne naam chupke chupke yaad kar ke ro sakūñ

    phir aaj chaar saal ba.ad usī jagah khaḌī huuñ maiñ

    magar vo peḌ āñdhiyoñ meñ jaane kab ukhaḌ gayā

    na-jāne kaun log is ko kaaT kar chale ga.e

    mujhe nahīñ ḳhabar ki is patiyāñ kahāñ ga.iiñ

    tane lakḌiyāñ bhī kis machine meñ badal ga.iiñ

    vo naam pāniyoñ ke rāste kahāñ chale ga.e

    phir aaj chaar saal ba.ad usī jagah khaḌī huuñ maiñ

    maiñ lauT jā.ūñgī chabūtre gard pūñchh kar

    guzartī sā.atoñ ke ġham-daroñ meñ chīḳh jā.eñge

    udaas khiḌkiyoñ ke rañg dukh meñ bhiig jā.eñge

    ye ḳhvāb bistaraoñ chādaroñ meñ suukh jā.eñge

    maiñ taaza phuul jis tarah se ab sajā ke jā.ūñgī

    vahī nuqūsh chaar saal ba.ad kaañp jā.eñge

    maiñ ġhurbatoñ qabr meñ ḳhamosh lauT jā.ūñgī

    ye umr be-kanār rāstoñ meñ biit jā.egī

    maiñ ab ujaaḌ bastiyoñ meñ lauT ke na ā.ūñgī

    phir aaj chaar sal baad usi jagah khaDi hun main

    chabutre pe gard ki dabiz tah jami hui

    guzarti saaton ke gham daron mein chiKHte hue

    udas khiDkiyon ke rang dukh mein bhigte hue

    ye KHwab bistaraon ki chadaron mein sukhte hue

    wo phul ek bar jis tarah yahan sajae the

    usi tarah se un ke zard naqsh kanpte hue

    phir aaj chaar sal baad usi jagah khaDi hun main

    hawa na-jaane kitni bar dar pe aa ke ja chuki

    na-jaane kitni bar khiDkiyon pe dastaken huin

    na-jaane kitne qahqahon ko log bhul bhi chuke

    chabutre pe gard ki dabiz tah ne kah diya

    ki muddaton se yan kisi ne dastan nahin likhi

    phir aaj chaar sal baad usi jagah khaDi hun main

    haweliyon ka tumtaraq TuT kar bikhar chuka

    chaman se ab bahaar ka har ek nasha utar chuka

    ananiyat shikast-KHurda KHamushi mein Dhal chuki

    aur aaj gumbadon mein apni gunj sun rahi hun main

    ki muddaton se ghar mein muskurahaTen na jal sakin

    phir aaj chaar sal baad usi jagah khaDi hun main

    magar wo nam to kahin khude hue hain peD par

    main roz-o-shab ki aandhiyon ko apne ghar mein hi rahun

    main sham ko udasiyon mein ek daraKHt ke tale

    purane nam chupke chupke yaad kar ke ro sakun

    phir aaj chaar sal baad usi jagah khaDi hun main

    magar wo peD aandhiyon mein jaane kab ukhaD gaya

    na-jaane kaun log is ko kaT kar chale gae

    mujhe nahin KHabar ki is ki patiyan kahan gain

    tane ki lakDiyan bhi kis machine mein badal gain

    wo nam paniyon ke raste kahan chale gae

    phir aaj chaar sal baad usi jagah khaDi hun main

    main lauT jaungi chabutre ki gard punchh kar

    guzarti saaton ke gham-daron mein chiKH jaenge

    udas khiDkiyon ke rang dukh mein bhig jaenge

    ye KHwab bistaraon ki chadaron mein sukh jaenge

    main taza phul jis tarah se ab saja ke jaungi

    wahi nuqush chaar sal baad kanp jaenge

    main ghurbaton ki qabr mein KHamosh lauT jaungi

    ye umr be-kanar raston mein bit jaegi

    main ab ujaD bastiyon mein lauT ke na aaungi

    Source:

    Andekhi Lahren(rekhta website) (Pg. 99)

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now