چلو بھیا تم کو بناؤں میں گھوڑا
چلو بھیا تم کو بناؤں میں گھوڑا
بنوگے جو گھوڑا تو ماروں گی کوڑا
نہ آئے گی لیکن ذرا چوٹ تم کو
سلا دوں گی پیارا سا اک کوٹ تم کو
چلو گے شپا شپ تو دوں گی میں چارا
رکو گے تو کھاؤ گے چانٹا کرارا
یہ چانٹا نہ ہوگا مگر مار کوئی
سمجھ لو کہ جیسے کرے پیار کوئی
تمہارے لیے میں نے گاڑی بنائی
ہر اک شے قرینے سے اس میں لگائی
پڑا ہے جو کپڑوں کا صندوق اس میں
ڈرانے کو رکھ لی ہے بندوق اس میں
اور اک ننھی چھتری بھی رکھ لی ہے میں نے
کڑی دھوپ کے خوف سے مینہ کے ڈر سے
کہ شاید جھکے ابر بوندیں گرانے
تو بچ جاؤں بارش سے چھتری لگا کے
تمہیں کیا ضرورت کہ ہو تم تو گھوڑا
چلو اب جتو ورنہ ماروں گی کوڑا
جو مانو گے کہنا تو لے دوں گی لٹو
نہیں تو ہو تم آج سے میرے ٹٹو
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.