chhaTa aadmi

Shaz Tamkanat

chhaTa aadmi

Shaz Tamkanat

MORE BYShaz Tamkanat

    ye mirā shahr hai

    ḳhūb-sūrat hasīñ

    chāndnī nagar dhuup sarzamīñ

    shahr ke roz o shab merī āñkheñ

    jis tarah putliyāñ aur safedī

    maiñ in āñkhoñ se sab manzar-e-rañg-o-bū dekhtā huuñ

    rāsta rāsta kū-ba-kū dekhtā huuñ

    maiñ ki shab-gard shā.ir

    chāñd se bāteñ karte hue chal paḌā thā

    ek bastī milī

    malgaje aur siyah jhoñpaḌe chār-sū

    jhoñpaḌe jin sham.oñ meñ sāñseñ na thiiñ

    zard bīmār ujāle

    raakh aur gandagī

    ik ufūnat ambār

    zindagī jaise sharmā rahī thī

    mirī jānib kahīñ duur se ek saaya baḌhā

    maiñ ne pūchhā ki tum kaun ho

    vo ye kahne lagā

    maiñ ki zulmat huuñ tum raushnī do mujhe

    maiñ jihālat huuñ tum āgahī do mujhe

    maiñ najāsat huuñ pākīzgī do mujhe

    lo suno aur dekho mujhe

    maiñ chhaTā aadmī huuñ bachā lo mujhe

    maiñ chhaTā aadmī huuñ bachā lo mujhe

    ye mera shahr hai

    KHub-surat hasin

    chandni ka nagar dhup ki sarzamin

    shahr ke roz o shab meri aankhen

    jis tarah putliyan aur safedi

    main in aankhon se sab manzar-e-rang-o-bu dekhta hun

    rasta rasta ku-ba-ku dekhta hun

    main ki shab-gard shair

    chand se baaten karte hue chal paDa tha

    ek basti mili

    malgaje aur siyah jhonpaDe chaar-su

    jhonpaDe jin ki shamon mein sansen na thin

    zard bimar ujale

    rakh aur gandagi

    ek ufunat ka ambar

    zindagi jaise sharma rahi thi

    meri jaanib kahin dur se ek saya baDha

    main ne puchha ki tum kaun ho

    wo ye kahne laga

    main ki zulmat hun tum raushni do mujhe

    main jihaalat hun tum aagahi do mujhe

    main najasat hun pakizgi do mujhe

    lo suno aur dekho mujhe

    main chhaTa aadmi hun bacha lo mujhe

    main chhaTa aadmi hun bacha lo mujhe

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY