chiDiya ghar

Rais Farogh

chiDiya ghar

Rais Farogh

MORE BYRais Farogh

    chiḌiyā ghar meñ basne vaalī

    kaisā mizāj-e-ālī hai

    munnū bhayyā pūchh rahe haiñ

    kyā koī piñjra ḳhālī hai

    dauḌ meñ sab se avval chītā

    jañgal har race meñ jiitā

    jaldī jaldī bol re sāthī

    kachchā papītā pakkā papītā

    jañgal ke sultān ko dekho

    sher-e-babar shaan ko dekho

    aisā bahādur koī nahīñ hai

    dil vaale mehmān ko dekho

    bhaag rahā hai haañp rahā hai

    Dar ke maare kaañp rahā hai

    buzdil gīdaḌ naam hai us

    dekho kaisā bhāñp rahā hai

    hāthī suuñD hilāne vaale

    lambe daañt dikhāne vaale

    dariyā dariyā jañgal jañgal

    bhārī bojh uThāne vaale

    bātoñ meñ bebāk bahut hai

    sab par is dhaak bahut hai

    bachcho is naam batāo

    ye biibī chālāk bahut hai

    ban-mānus ke khel ajab haiñ

    circus jaise saare Dhab haiñ

    aise khel kahāñ se sīkhe

    dekhne vaale hairāñ sab haiñ

    naach dikhāne vaale bhālū

    kaalā terā naam hai kaalū

    kis se hai tirī rishta-dārī

    āḳhir hai kis ḳhālū

    Dug Dug Dug Dug bandar aa.e

    ḳhushī ḳhushī sasurāl ko jaa.e

    chhan-chhan chhan-chhan nāche bandariyā

    jaise madārī chāhe nachā.e

    zebra dekho dhāriyoñ vaalā

    paayā jis ne ruup nirālā

    sub.h bhī is shaam bhī is

    aadhā gorā aadhā kaalā

    ye kachhve se hārne vaalā

    jhūTī sheḳhī baghārne vaalā

    āḳhir muñh khā jaatā hai

    auroñ ko lalkārne vaalā

    saañp jo pal pal bal khāte haiñ

    biin baje to lahrāte haiñ

    lahrā.eñ to jaage so.e

    lākhoñ rañg nazar aate haiñ

    kanThī pahne tote aa.e

    hare hare se par phailā.e

    miTThū beTā paḌh lete haiñ

    koī in ko agar paḌhāye

    sāras dekho kitnā baḌā hai

    bādal jaise aan paḌā hai

    machhlī aa.e aur pakaḌ luuñ

    paanī meñ chup-chāp khaḌā hai

    vo dekho vo aayā zarāfa

    jaise koī bearing lifāfa

    ham dete haiñ us ko duā.eñ

    gardan meñ ho aur izāfa

    chiDiya ghar mein basne wali

    kaisa mizaj-e-ali hai

    munnu bhayya puchh rahe hain

    kya koi pinjra KHali hai

    dauD mein sab se awwal chita

    jangal ki har race mein jita

    jaldi jaldi bol re sathi

    kachcha papita pakka papita

    jangal ke sultan ko dekho

    sher-e-babar ki shan ko dekho

    aisa bahadur koi nahin hai

    dil wale mehman ko dekho

    bhag raha hai hanp raha hai

    Dar ke mare kanp raha hai

    buzdil gidaD nam hai us ka

    dekho kaisa bhanp raha hai

    hathi sunD hilane wale

    lambe dant dikhane wale

    dariya dariya jangal jangal

    bhaari bojh uThane wale

    baaton mein bebak bahut hai

    sab par is ki dhak bahut hai

    bachcho is ka nam batao

    ye bibi chaalak bahut hai

    ban-manus ke khel ajab hain

    circus jaise sare Dhab hain

    aise khel kahan se sikhe

    dekhne wale hairan sab hain

    nach dikhane wale bhaalu

    tu kala tera nam hai kalu

    kis se hai teri rishta-dari

    tu aaKHir hai kis ka KHalu

    Dug Dug Dug Dug bandar aae

    KHushi KHushi sasural ko jae

    chhan-chhan chhan-chhan nache bandariya

    jaise madari chahe nachae

    zebra dekho dhaariyon wala

    paya jis ne rup nirala

    subh bhi is ki sham bhi is ki

    aadha gora aadha kala

    ye kachhwe se haarne wala

    jhuTi sheKHi baghaarne wala

    aaKHir munh ki kha jata hai

    auron ko lalkarne wala

    sanp jo pal pal bal khate hain

    bin baje to lahraate hain

    lahraen to jage soe

    lakhon rang nazar aate hain

    kanThi pahne tote aae

    hare hare se par phailae

    miTThu beTa paDh lete hain

    koi in ko agar paDhaye

    saras dekho kitna baDa hai

    baadal jaise aan paDa hai

    machhli aae aur pakaD lun

    pani mein chup-chap khaDa hai

    wo dekho wo aaya zarafa

    jaise koi bearing lifafa

    hum dete hain us ko duaen

    gardan mein ho aur izafa

    Tagged Under

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY