داتا اور کردگار
داتا ہے تو جہاں کا اور کردگار تو ہے
پروردگار تو ہے پروردگار تو ہے
اف کتنی خوب صورت دنیا بنائی تو نے
تاروں سے آسماں کی بستی بسائی تو نے
ہر چیز کے انوکھے اندام تو نے رکھے
ہر رنگ میں نرالی قدرت دکھائی تو نے
داتا ہے تو جہاں کا اور کردگار تو ہے
پروردگار تو ہے پروردگار تو ہے
چڑھتے ہوئے یہ دریا امڈے ہوئے یہ بادل
بہتا ہوا یہ پانی نکھرے ہوئے یہ جل تھل
یہ کھیت لہلہاتے جھرنے یہ گنگناتے
آکاش چاند تارے دریا پہاڑ جنگل
سنسار کے چمن کی یا رب بہار تو ہے
پروردگار تو ہے پروردگار تو ہے
برکھا بسنت جاڑا یہ رات دن کا چکر
پھل پھول ناج میوے اک دوسرے سے بہتر
تعریف تیری یا رب ممکن نہیں کسی سے
طاقت نہیں بیاں کی کھولیں زبان کیوں کر
تو ہے پکار دل کی دل کی پکار تو ہے
پروردگار تو ہے پروردگار تو ہے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
