dahshat-gard shaer
ek ḳhush-gavār din
jab log apne daftar aur bachche
schōl vaqt par pahuñch jaate haiñ
dahshat-gard shā.er apne ḳhvāboñ kī bandūq le kar
havā.ī-firing shurūa kar dete haiñ
koī halāk nahīñ hotā koī zaḳhmī nahīñ hotā
kisī ko Dar nahīñ lagtā
kisī daraḳht se ek pattā tak nahīñ girtā
kisī khiḌkī kā shīsha bhī nahīñ TūTtā
shā.er apnā kaam jaarī rakhte haiñ magar
shaam hone tak kisī dīvār meñ ek surāḳh tak nahīñ kar paate
kisī darvāze par nishān bhī nahīñ Daal paate
log hasb-e-ma.amūl gharoñ ko vāpas aate haiñ
bachche rāstoñ meñ cricket khelte haiñ lekin kisī ko
ḳhvāboñ ke ḳhālī kartōs nahīñ milte
dahshat-gard shā.er kahīñ nazar nahīñ aate
jab raat hotī hai to achānak añdhere meñ kabhī
raushnī kī lakīreñ āsmān kī taraf jaatī nazar aatī haiñ
isī ma.amūlī chamak meñ sitāre apnā rāsta banāte haiñ
isī rāste par
dahshat-gard shā.er apnī bandūq liye zindagī bhar parade karte rahte haiñ
ek KHush-gawar din
jab log apne daftar aur bachche
school waqt par pahunch jate hain
dahshat-gard shaer apne KHwabon ki banduq le kar
hawai-firing shurua kar dete hain
koi halak nahin hota koi zaKHmi nahin hota
kisi ko Dar nahin lagta
kisi daraKHt se ek patta tak nahin girta
kisi khiDki ka shisha bhi nahin TuTta
shaer apna kaam jari rakhte hain magar
sham hone tak kisi diwar mein ek suraKH tak nahin kar pate
kisi darwaze par nishan bhi nahin Dal pate
log hasb-e-mamul gharon ko wapas aate hain
bachche raston mein cricket khelte hain lekin kisi ko
KHwabon ke KHali kartoos nahin milte
dahshat-gard shaer kahin nazar nahin aate
jab raat hoti hai to achanak andhere mein kabhi
raushni ki lakiren aasman ki taraf jati nazar aati hain
isi mamuli chamak mein sitare apna rasta banate hain
isi raste par
dahshat-gard shaer apni banduq liye zindagi bhar parade karte rahte hain
Source:
saarii nazmen (Pg. 487)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.