dars-e-KHudi

shabnam kā ek qatra

be-bahra-e-ḳhudī thā

Tapkā falak se shab ko

aur barg-e-gul pe Thahrā

is tarah thā chamaktā

hiire kā jaise TukḌā

kartā thā khel us se

mauj-e-sabā kā jhoñkā

rangīñ huā thā vo bhī

jis tarah har kalī thī

miltī thiiñ jab bhī shāḳheñ

rah rah ke thā sañbhaltā

letā thā barg-e-gul par

dhīre se phir sahārā

rang-e-chaman thā detā

ik da.avat-e-nazārā

har chañd ranj-o-sadma

us ko nahīñ zarā thā

lekin koī sabab thā

jo vo laraz rahā thā

rangīñ huā thā vo bhī

jis tarah har kalī thī

shabnam sī zindagī kyā

behtar hai mar hī jaanā

ḳhuddār ho jahāñ meñ

hiire kā jaise TukḌā

ḳhurshīd kā ho partav

sāmān ḳhud baqā kā

ban aah laḳht-e-ādam

almās kā tū TukḌā

hiire kā ek TukḌā

tashbīh hai ḳhudī kā

shabnam ka ek qatra

be-bahra-e-KHudi tha

Tapka falak se shab ko

aur barg-e-gul pe Thahra

is tarah tha chamakta

hire ka jaise TukDa

karta tha khel us se

mauj-e-saba ka jhonka

rangin hua tha wo bhi

jis tarah har kali thi

milti thin jab bhi shaKHen

rah rah ke tha sanbhalta

leta tha barg-e-gul par

dhire se phir sahaara

rang-e-chaman tha deta

ek dawat-e-nazara

har chand ranj-o-sadma

us ko nahin zara tha

lekin koi sabab tha

jo wo laraz raha tha

rangin hua tha wo bhi

jis tarah har kali thi

shabnam si zindagi kya

behtar hai mar hi jaana

KHuddar ho jahan mein

hire ka jaise TukDa

KHurshid ka ho partaw

saman KHud baqa ka

ban aah laKHt-e-adam

almas ka tu TukDa

hire ka ek TukDa

tashbih hai KHudi ka