dawam

mujhe aaj mahsūs yuuñ ho rahā hai

ki maiñ mar gayā huuñ

mirā naam kuchh bhī ho maiñ aam sā aadmī

is se kuchh farq paḌtā nahīñ

ek ehsās ke muḳhtalif naam haiñ

saarī duniyā meñ jo shaḳhs duniyā se uTThā hai vo maiñ huuñ

maiñ jis ne dekhā hai har shaḳhs meñ ḳhud ko marte hue

mujh ko jis tarah chāho pukāro ki vo marne vaalā to maiñ hī huuñ

logo shahādat se baḌh kar mirī maut be-laus hai

aur kisī kā mire paas kuchh bhī nahīñ

jab bhī aayā huuñ tum sab meñ tum ban ke zinda rahā

aur duniyā se jaate hue saath sirf apnā ġham le gayā

ġham jo duniyā meñ ''maiñ'' ban ke phir aa.egā

mujhe aaj mahsus yun ho raha hai

ki main mar gaya hun

mera nam kuchh bhi ho main aam sa aadmi

is se kuchh farq paDta nahin

ek ehsas ke muKHtalif nam hain

sari duniya mein jo shaKHs duniya se uTTha hai wo main hun

main jis ne dekha hai har shaKHs mein KHud ko marte hue

mujh ko jis tarah chaho pukaro ki wo marne wala to main hi hun

logo shahadat se baDh kar meri maut be-laus hai

aur kisi ka mere pas kuchh bhi nahin

jab bhi aaya hun tum sab mein tum ban ke zinda raha

aur duniya se jate hue sath sirf apna gham le gaya

gham jo duniya mein main ban ke phir aaega