aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

dev-malayen sachchi hoti hain

Tabish Kamal

dev-malayen sachchi hoti hain

Tabish Kamal

MORE BYTabish Kamal

    ghaḌī do ghaḌī masarrat

    ye sadiyoñ pe phailā huā dev-qissa hamāre lahū meñ ravāñ hai

    kisī ghoñsle meñ se anDe churātā huā sūrmā

    ek chīte se gur sīkhtā koī bachcha

    kamāñ khīñchtā aur maada ko nāvak se nīche girātā huā

    aag daryāft kartā huā koī laḌkā

    ajab sūrateñ haiñ

    shab-e-dāstañ-goī sadiyoñ pe phailī huī hai

    havā marġh-zāroñ yaḳh-bastagī meñ nahīñ rah sakī

    so yahāñ aa ga.ī hai ki apnā badan garm kar le

    ye aag ab jibillat tartīb lāzima hai

    bahīmāna ḳhaslat ko taskīn detā huā ek unsur

    havā dev-malāoñ ke daur ek buḌhiyā hai

    jis ko har ik dāstāñ yaad hai

    ye ghaḌī do ghaḌī masarrat

    jise dāstāñ-go bātoñ se ham ne kiyā hai kashīd

    ek din aa.egā jab havā apne qisse meñ vo sūrateñ lā.egī

    jin ā.īna ham haiñ

    shab-e-dāstañ-goī meñ ham jo mab.hūt o hairān baiThe hue

    dāstān sun rahe haiñ

    kabhī ek ThiThurī huī raat meñ ham kahānī markaz baneñge

    jo bachche adam haiñ

    hameñ dāstāñ meñ ghirā dekh kar khilkhilā.eñge

    mab.hūt-o-hairāñ hoñge

    ghaDi do ghaDi ki masarrat

    ye sadiyon pe phaila hua dew-qissa hamare lahu mein rawan hai

    kisi ghonsle mein se anDe churaata hua surma

    ek chite se gur sikhta koi bachcha

    kaman khinchta aur mada ko nawak se niche giraata hua

    aag daryaft karta hua koi laDka

    ajab suraten hain

    shab-e-dastan-goi sadiyon pe phaili hui hai

    hawa margh-zaron ki yaKH-bastagi mein nahin rah saki

    so yahan aa gai hai ki apna badan garm kar le

    ye aag ab jibillat ki tartib ka lazima hai

    bahimana KHaslat ko taskin deta hua ek unsur

    hawa dew-malaon ke daur ki ek buDhiya hai

    jis ko har ek dastan yaad hai

    ye ghaDi do ghaDi ki masarrat

    jise dastan-go ki baaton se hum ne kiya hai kashid

    ek din aaega jab hawa apne qisse mein wo suraten laegi

    jin ka aaina hum hain

    shab-e-dastan-goi mein hum jo mabhut o hairan baiThe hue

    dastan sun rahe hain

    kabhi ek ThiThuri hui raat mein hum kahani ka markaz banenge

    jo bachche adam hain

    hamein dastan mein ghira dekh kar khilkhilaenge

    mabhut-o-hairan honge

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now