گہرے شہروں میں رہنے سے وسعت کا احساس مٹا
لا محدود خلاؤں کی خاموشی کا
خوف مٹا
اب آرام ہے
جنگل کا جادو اور ہواؤں کا سنگیت نہیں تو کیا ہے
اب آرام کہ اب اگیان کے پیدا کردہ ہاتھ نہیں
ظالم ہاتھ کہ جن ہاتھوں میں ہاتھ دیے
مذہب کے ویرانوں میں میں مارا مارا پھرتا تھا
اب آرام
سمندر کی آواز نہیں تو کیا ہے
اس بستی کی سب گلیوں میں چلنے کی آزادی ہے
اس بستی کی گلیوں کے ناموں میں نیکی اور بدی کے نام نہیں
سیدھے سادے نام ہیں جیسے لالچ غصہ بھوک محبت نفرت
سب گلیوں میں چلنے کی آزادی ہے
شہر نہیں ہیں چاروں جانب شور ہی شور ہے کیا ہے
گہرے شہروں میں رہنے سے عظمت کا احساس مٹا
لمبے حملوں پر جانے کا قدرت سے ٹکرانے کا ارمان مٹا
اب آرام ہے شہروں میں انسان مٹا
مأخذ:
Nai Nazm ka safar (Pg. 219)
- مصنف: Khalilur Rahman Azmi
-
- اشاعت: 2011
- ناشر: NCPUL, New Delhi
- سن اشاعت: 2011
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
