دیوالی کی شام
چھپ گیا خورشید تاباں آئی دیوالی کی شام
ہر طرف جشن چراغاں کا ہے کیسا اہتمام
ڈیوڑھیوں پر شادیانے عیش کے بجنے لگے
اور رنگیں قمقموں سے بام و در سجنے لگے
عطر و عنبر سے ہوا ہے کس قدر مہکی ہوئی
خوش نما مہتابیوں سے ہے فضا دہکی ہوئی
پھلجھڑی سے پھول یوں جھڑتے ہیں جیسے کہکشاں
ہر طرف پھیلا فضا میں ہے پٹاخوں کا دھواں
کیا مزے کی آتش افشانی ہے اگنی بان کی
دیکھ کر عش عش کرے جس کو نظر انسان کی
ہیں ستاروں کی یہ لڑیاں یا چراغوں کی قطار
کوچہ و بازار کے دیوار و در ہیں نور بار
بڑھ رہا ہے صورت سیلاب لوگوں کا ہجوم
ہر دکاں پر گاہکوں کا شور و غل ہے بالعموم
روشنی بن کر خوشی ہر سمت ہے چھائی ہوئی
ایک خلقت جس کے جلووں کی تماشائی ہوئی
مأخذ:
اردو کی نئی کتاب (Pg. 84)
- مصنف: عتیق احمد صدیقی, اطہر پرویز, شہریار, ثریا حسین
-
- ناشر: نیشنل کونسل آف ایجوکیشنل ریسرچ اینڈ ٹرینگ، نئی دہلی
- سن اشاعت: 1987
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
