diwar qahqaha

idhar na aao

ki ye mahal ab shikast-e-shaukat kī dāstāñ hai

ki ye mahal ab shikast-e-aqdār kā nishāñ hai

ki ye mahal ab shikast-e-afkār kī fuġhāñ hai

udhar na dekho

ki ye khañDar hai jinnoñ kā bhūtoñ kā āstāñ hai

ki ye umañgoñ kī be-basī ki baḌī tavīl ek dāstāñ hai

ki ye hai maskan siyāh rātoñ kā har taraf bas dhuāñ dhuaa. Hai

udhar jhāñko

shikastā īñToñ kī in darāzoñ meñ chāñdnī bhī sisak rahī hai

añdherī rātoñ kī kaalī nāgin siyāhiyoñ meñ chamak rahī hai

kiran kiran ka lahū pi.e hai to mast hai aur bahakr rahī hai

jo pahle tum us mahal meñ aate

to rañg o naġhmā ke sail pur nuur se guzarte

to aarzū kī sharāb meñ Dūbte ubharte

rasīlī bāñhoñ meñ mīThe sapnoñ kī Duub kar kis sukūñ se marte

jo pahle us samt se guzarte

to ārzuoñ ke naġhma-e-dil nashīñ ko sunte

bahut hī rote aur āñsuoñ se ka.ī na.e ḳhvāb apne bunte

aur ek be-nām kaif-e-mastī meñ Dū bkar apne sar ko dhunte

jo pahle us dard ko khaTkāte

hasīñ ummīdoñ ke pāsbāñ tum ko rañg o bū kā payām dete

hare bhare sarv tum ko pariyoñ ke shāzāde kā naam dete

ya baam o dar hañs ke tum ko pariyoñ ke shāhzāde kā naam dete

aur ab jo aa.e. ho kyā milegā

nigār ḳhāna ujaḌ chukā hai vo saarī mahfil uḳhaḌ ga.ī hai

vo nik.hat aarzū bhī dīvānā vaar har-sū bhaTak rahī hai

amiiñ thī jo dard-e-bekarāñ ki vo aah ghaT ghaT ke mar chukī hai

aur ab yahāñ kis ko DhuñDte ho

yahāñ pe tum chīḳhte rahoge javāb koī nahīñ milega

yahāñ pe DhūñDte rahoge ye ḳhvāb koī nahīñ milegā

yahāñ pe sher o sharāb o chañg o raubāb koī nahīñ milegā

yahāñ pe kis ko bulā rahe ho

yahāñ tumhārī sadāo. ke ḳhol guuñj ban kar uḌā kareñge

vo khokhlī guuñj tum se pūchegaī aap yaañ aa ke kyā kareñge

Daro ge ḳhud apne saaye se tum to bhut tum par hañsā kareñge

udhar na aao

udhar na aao yahāñ pe tum aa ke kyā karoge

yahāñ pe bhūtoñ kā raqs dekhoge aur phir aap hī Daroge

Daroge aa kaale kā kaale sāyoñ kā raqs

dīvār kī darāzoñ se dekh kar tum bahut hañsoge

bahut hañsoge

ye ek dīvār-e-qahqahā

idhar na aao

ki ye mahal ab shikast-e-shaukat ki dastan hai

ki ye mahal ab shikast-e-aqdar ka nishan hai

ki ye mahal ab shikast-e-afkar ki fughan hai

udhar na dekho

ki ye khanDar hai jinnon ka bhuton ka aastan hai

ki ye umangon ki be-basi ki baDi tawil ek dastan hai

ki ye hai maskan siyah raaton ka har taraf bas dhuan dhua Hai

udhar jhanko

shikasta inTon ki in daraazon mein chandni bhi sisak rahi hai

andheri raaton ki kali nagin siyahiyon mein chamak rahi hai

kiran kiran ka lahu pie hai to mast hai aur bahakr rahi hai

jo pahle tum us mahal mein aate

to rang o naghma ke sail pur nur se guzarte

to aarzu ki sharab mein Dubte ubharte

rasili banhon mein miThe sapnon ki Dub kar kis sukun se marte

jo pahle us samt se guzarte

to aarzuon ke naghma-e-dil nashin ko sunte

bahut hi rote aur aansuon se kai nae KHwab apne bunte

aur ek be-nam kaif-e-masti mein Du bkar apne sar ko dhunte

jo pahle us dard ko khaTkate

hasin ummidon ke pasban tum ko rang o bu ka payam dete

hare bhare sarw tum ko pariyon ke shazade ka nam dete

ya baam o dar hans ke tum ko pariyon ke shahzade ka nam dete

aur ab jo aae ho kya milega

nigar KHana ujaD chuka hai wo sari mahfil uKHaD gai hai

wo nikhat aarzu bhi diwana war har-su bhaTak rahi hai

amin thi jo dard-e-bekaran ki wo aah ghaT ghaT ke mar chuki hai

aur ab yahan kis ko DhunDte ho

yahan pe tum chiKHte rahoge jawab koi nahin milega

yahan pe DhunDte rahoge ye KHwab koi nahin milega

yahan pe sher o sharab o chang o raubab koi nahin milega

yahan pe kis ko bula rahe ho

yahan tumhaari sadao ke KHol gunj ban kar uDa karenge

wo khokhli gunj tum se puchegai aap yan aa ke kya karenge

Daro ge KHud apne saye se tum to bhut tum par hansa karenge

udhar na aao

udhar na aao yahan pe tum aa ke kya karoge

yahan pe bhuton ka raqs dekhoge aur phir aap hi Daroge

Daroge aa kale ka kale sayon ka raqs

diwar ki daraazon se dekh kar tum bahut hansoge

bahut hansoge

ye ek diwar-e-qahqaha