diwar se guftugu
kisī hañstī boltī jītī-jāgtī chiiz par
ye ghamanD kyā ye gumān kyuuñ
kahīñ aur aap kī jaan kyuuñ
ye to silsile haiñ usī fareb-e-ḳhayāl ke
ġham zāt-o-ḳhair-o-jamāl ke
vahī pher ahl-e-savāl ke
ajī Thiik hai ye vafā kā zahr na gholiye
are aap jhuuT hī boliye
nahīñ sab ke bhed na kholiye
koī kyā kare na mileñ jo rañg hī rañg se
Daro apne jī kī umañg se
kaTe kyuuñ nigāh patañg se
kabhī bekasī ko pukārte haiñ shajar hajar
mire paas kuchh bhī nahīñ magar
baḌī zindagī hai idhar-udhar
ye sambhalte hāthoñ maiñ kāñptī hai kamān kyuuñ
ye sarak rahī hai machān kyuuñ
ye khisak rahe haiñ makān kyuuñ
kisi hansti bolti jiti-jagti chiz par
ye ghamanD kya ye guman kyun
kahin aur aap ki jaan kyun
ye to silsile hain usi fareb-e-KHayal ke
gham zat-o-KHair-o-jamal ke
wahi pher ahl-e-sawal ke
aji Thik hai ye wafa ka zahr na gholiye
are aap jhuT hi boliye
nahin sab ke bhed na kholiye
koi kya kare na milen jo rang hi rang se
Daro apne ji ki umang se
kaTe kyun nigah patang se
kabhi bekasi ko pukarte hain shajar hajar
mere pas kuchh bhi nahin magar
baDi zindagi hai idhar-udhar
ye sambhalte hathon main kanpti hai kaman kyun
ye sarak rahi hai machan kyun
ye khisak rahe hain makan kyun
Source:
akeli-bastiyan (Pg. B-7 E-8)
- Author: Mahboob Khizan
-
- Edition: 1979
- Publisher: Al-Baqariya Publications, Karachi
- Year of Publication: 1979
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
