doraha

Javed Akhtar

doraha

Javed Akhtar

MORE BYJaved Akhtar

    INTERESTING FACT

    Dedicated to his daughter Zoya Akhtar

    ye jīvan ik raah nahīñ

    ik dorāhā hai

    pahlā rasta

    bahut sahal hai

    is meñ koī moḌ nahīñ hai

    ye rasta

    is duniyā se bejoḌ nahīñ hai

    is raste par milte haiñ

    retoñ ke āñgan

    is raste par milte haiñ

    rishtoñ ke bandhan

    is raste par chalne vaale

    kahne ko sab sukh paate haiñ

    lekin

    TukḌe TukḌe ho kar

    sab rishtoñ meñ baT jaate haiñ

    apne palle kuchh nahīñ bachtā

    bachtī hai

    be-nām uljhan

    bachtā hai

    sāñsoñ īñdhan

    jis meñ un apnī har pahchān

    aur un ke saare sapne

    jal bujhte haiñ

    is raste par chalne vaale

    ḳhud ko kho kar jag paate haiñ

    uupar uupar to jiite haiñ

    andar andar mar jaate haiñ

    dūsrā rasta

    bahut kaThin hai

    is raste meñ

    koī kisī ke saath nahīñ hai

    koī sahārā dene vaalā nahīñ hai

    is raste meñ

    dhuup hai

    koī chhāñv nahīñ hai

    jahāñ tasallī bhiik meñ de de koī kisī ko

    is raste meñ

    aisā koī gaañv nahīñ hai

    ye un logoñ rastā hai

    jo ḳhud apne tak jaate haiñ

    apne aap ko jo paate haiñ

    tum is raste par chalnā

    mujhe patā hai

    ye rasta āsān nahīñ hai

    lekin mujh ko ye ġham bhī hai

    tum ko ab tak

    kyuuñ apnī pahchān nahīñ hai

    ye jiwan ek rah nahin

    ek doraha hai

    pahla rasta

    bahut sahal hai

    is mein koi moD nahin hai

    ye rasta

    is duniya se bejoD nahin hai

    is raste par milte hain

    reton ke aangan

    is raste par milte hain

    rishton ke bandhan

    is raste par chalne wale

    kahne ko sab sukh pate hain

    lekin

    TukDe TukDe ho kar

    sab rishton mein baT jate hain

    apne palle kuchh nahin bachta

    bachti hai

    be-nam si uljhan

    bachta hai

    sanson ka indhan

    jis mein un ki apni har pahchan

    aur un ke sare sapne

    jal bujhte hain

    is raste par chalne wale

    KHud ko kho kar jag pate hain

    upar upar to jite hain

    andar andar mar jate hain

    dusra rasta

    bahut kaThin hai

    is raste mein

    koi kisi ke sath nahin hai

    koi sahaara dene wala nahin hai

    is raste mein

    dhup hai

    koi chhanw nahin hai

    jahan tasalli bhik mein de de koi kisi ko

    is raste mein

    aisa koi ganw nahin hai

    ye un logon ka rasta hai

    jo KHud apne tak jate hain

    apne aap ko jo pate hain

    tum is raste par hi chalna

    mujhe pata hai

    ye rasta aasan nahin hai

    lekin mujh ko ye gham bhi hai

    tum ko ab tak

    kyun apni pahchan nahin hai

    Source :
    • Book : Tarkash (Pg. 128)
    • Author : Javed Akhtar
    • Publication : Star Publications Pvt. Ltd (2008)
    • Edition : 2008

    Tagged Under :

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY