دعا دعا چہرہ

عبید اللہ علیم

دعا دعا چہرہ

عبید اللہ علیم

MORE BYعبید اللہ علیم

    دعا دعا وہ چہرہ

    حیا حیا وہ آنکھیں

    صبا صبا وہ زلفیں

    چلے لہو گردش میں

    رہے آنکھ میں دل میں

    بسے مرے خوابوں میں

    جلے اکیلے پن میں

    ملے ہر اک محفل میں

    دعا دعا وہ چہرہ

    کبھی کسی چلمن کے پیچھے

    کبھی درخت کے نیچے

    کبھی وہ ہاتھ پکڑتے

    کبھی ہوا سے ڈرتے

    کبھی وہ بارش اندر

    کبھی وہ موج سمندر

    کبھی وہ سورج ڈھلتے

    کبھی وہ چاند نکلتے

    کبھی خیال کی رو میں

    کبھی چراغ کی لو میں

    دعا دعا وہ چہرہ

    کبھی بال سکھائے آنگن میں

    کبھی مانگ نکالے درپن میں

    کبھی چلے پون کے پاؤں میں

    کبھی ہنسے دھوپ میں چھاؤں میں

    کبھی پاگل پاگل نینوں میں

    کبھی چھاگل چھاگل سینوں میں

    کبھی پھولوں پھول وہ تھالی میں

    کبھی دیوں بھری دیوالی میں

    کبھی سجا ہوا آئینے میں

    کبھی دعا بنا وہ زینے میں

    کبھی اپنے آپ سے جنگوں میں

    کبھی جیون موج ترنگوں میں

    کبھی نغمہ نور فضاؤں میں

    کبھی مولا حضور دعاؤں میں

    کبھی رکے ہوئے کسی لمحے میں

    کبھی دکھے ہوئے کسی چہرے میں

    وہی چہرہ بولتا رہتا ہوں

    وہی آنکھیں سوچتا رہتا ہوں

    وہی زلفیں دیکھتا رہتا ہوں

    دعا دعا وہ چہرہ

    حیا حیا وہ آنکھیں

    صبا صبا وہ زلفیں

    ویڈیو
    This video is playing from YouTube

    Videos
    This video is playing from YouTube

    عبید اللہ علیم

    عبید اللہ علیم

    مآخذ:

    • کتاب : Veeran sarai ka diya (Pg. 31)
    • Author : Obaidullah Aleem
    • مطبع : Al-Ibas Printers (2012)
    • اشاعت : 2012

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY