dushmanon ke darmiyan sulh

Ejaz Gul

dushmanon ke darmiyan sulh

Ejaz Gul

MORE BY Ejaz Gul

    barg-e-āvāra-sadā aa.e haiñ

    koī āvāza-e-pā laa.e haiñ

    tere paiġhām-rasāñ haiñ shāyad

    aur paimān-e-vafā laa.e haiñ

    guftugū narm hai lahja dhīmā

    ab ke andāz judā laa.e haiñ

    ik nadāmat bhī hai pachhtāvā bhī

    ḳhiffar-e-jurm-o-jafā laa.e haiñ

    aañkh meñ ashk pashemānī ke

    hoñT par harf-e-duā laa.e haiñ

    saare sāmān rafūgarī ke

    jeb o dāman meñ uThā laa.e haiñ

    marham-e-zaḳhm ke ambār ke saath

    pāra-e-ḳhāk-e-shifā laa.e haiñ

    shāḳh-e-zaitūn bhī ammāme bhī haiñ

    aur abā.eñ bhī silā laa.e haiñ

    hajr-e-asvad ne chhuā hai jis ko

    ek aisī bhī ridā laa.e haiñ

    kuchh madīne khujūroñ ke tabaq

    kāsa-e-sar pe sajā laa.e haiñ

    ek mashkīza-e-āb-e-zamzam

    pusht-e-nāzuk pe uThā laa.e haiñ

    agle pichhle sabhī maqtūloñ

    goyā ki ḳhūn-bahā laa.e haiñ

    barg-e-awara-sada aae hain

    koi aawaza-e-pa lae hain

    tere paigham-rasan hain shayad

    aur paiman-e-wafa lae hain

    guftugu narm hai lahja dhima

    ab ke andaz juda lae hain

    ek nadamat bhi hai pachhtawa bhi

    KHiffar-e-jurm-o-jafa lae hain

    aankh mein ashk pashemani ke

    honT par harf-e-dua lae hain

    sare saman rafugari ke

    jeb o daman mein uTha lae hain

    marham-e-zaKHm ke ambar ke sath

    para-e-KHak-e-shifa lae hain

    shaKH-e-zaitun bhi ammame bhi hain

    aur abaen bhi sila lae hain

    hajr-e-aswad ne chhua hai jis ko

    ek aisi bhi rida lae hain

    kuchh madine ki khujuron ke tabaq

    kasa-e-sar pe saja lae hain

    ek mashkiza-e-ab-e-zamzam

    pusht-e-nazuk pe uTha lae hain

    agle pichhle sabhi maqtulon ka

    goya ki KHun-baha lae hain

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites