ایک آنچ کی کمی

اصغر ندیم سید

ایک آنچ کی کمی

اصغر ندیم سید

MORE BYاصغر ندیم سید

    سورج آسمان سے گرا

    اور لیموں بن گیا

    چاند آسمان سے گرا

    اور کپاس کا پھول بن گیا

    میں تاریخ کے مینار سے گرا

    اور واقعہ کیوں نہ بن سکا

    پانی دریاؤں سے نکلا

    اور جنگل بن گیا

    لفظ کتاب سے نکلا

    اور عالم بن گیا

    میں اس کی نیت کے اندھیرے سے نکلا

    اور آزادی کیوں نہ بن سکا

    ہوا بادبان سے گری

    اور ملاح کا گیت بن گئی

    بوسہ ہونٹوں سے گرا

    اور محبت کا پرندہ بن گیا

    دن عقاب کی چونچ سے گرا

    اور سورج مکھی کا باغ کیوں نہ بن سکا

    تیر کمان سے نکلا

    اور بادشاہ بن گیا

    شہزادہ محل سے نکلا

    اور جوگی بن گیا

    خیال اپنے مدار سے نکلا

    اور نظم کیوں نہ بن سکا

    خواہش دل سے گری

    اور کالا گلاب بن گئی

    نکتہ دھیان سے گرا

    اور صوفی بن گیا

    میں زمین پر گرا

    اور بارش کا قطرہ کیوں نہ بن سکا!

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY