ek ajnabi silsila

mujh ko pahchān kī tishnagī

dasht-o-sahrā meñ barsoñ uḌaa.e phirī

merā 'ifrīt mujh ko milā

reg-zār-e-barahna ke un sāhiloñ par

jahāñ se ubhartā thā barfāb vaadī kā ik ajnabī silsila

maiñ ne har sā'at-e-qatl meñ

us se pochhā thā zanjīr-e-pā

sirf merī thī kyoñ kis liye kis tarah

ye 'anāsir kī fitrat ko kyā ho gayā

dasht meñ barf meñ

mere 'ifrīt kā rang kyoñ zard thā

ret se barf tak

anginat rang the

us ne hamrāz kyoñ muntaḳhab us ajnabī ko kiyā

jis ko pahchān kā dard hāsil na thā

jo farāz-e-tamanna ke qābil na thā

maiñ ne tafrīq ke zikr se

apne ham-zād ko

dā’vat-e-kunba-e-jāvedāñ kā asāsa diyā

us ko barham kiyā

us ke jabḌoñ meñ ḳhūñḳhār vo āhanī ishtihā

aaj tartīb dī

jis kī taḳhlīq se

vo ḳhudāoñ kī āvāz par chhā gayā

maiñ sadāoñ kī pahchān thā

maiñ ḳhumār-e-talāsh-e-farāvāñ se sarshār thā

mujh pe jangal kī āñkhoñ ke saffāk ḳhanjar chalātā huā

mere imkān ke chīthḌe khā gayā

mujh ko pahchan ki tishnagi

dasht-o-sahra mein barson uDae phiri

mera 'ifrit mujh ko mila

reg-zar-e-barahna ke un sahilon par

jahan se ubharta tha barfab wadi ka ek ajnabi silsila

main ne har sa'at-e-qatl mein

us se pochha tha zanjir-e-pa

sirf meri thi kyon kis liye kis tarah

ye 'anasir ki fitrat ko kya ho gaya

dasht mein barf mein

mere 'ifrit ka rang kyon zard tha

ret se barf tak

anginat rang the

us ne hamraaz kyon muntaKHab us ajnabi ko kiya

jis ko pahchan ka dard hasil na tha

jo faraaz-e-tamanna ke qabil na tha

main ne tafriq ke zikr se

apne ham-zad ko

da’wat-e-kunba-e-jawedan ka asasa diya

us ko barham kiya

us ke jabDon mein KHunKHar wo aahani ishtiha

aaj tartib di

jis ki taKHliq se

wo KHudaon ki aawaz par chha gaya

main sadaon ki pahchan tha

main KHumar-e-talash-e-farawan se sarshaar tha

mujh pe jangal ki aankhon ke saffak KHanjar chalata hua

mere imkan ke chithDe kha gaya