ek alamat

Mustafa Zaidi

ek alamat

Mustafa Zaidi

MORE BY Mustafa Zaidi

    INTERESTING FACT

    On Saadat Hasan Manto's death

    ghaas se bach ke chalo ret ko gulzār kaho

    narm kaliyoñ pe chaḌhā do ġham-e-daurāñ ke ġhilāf

    ḳhud ko dil thaam ke murġhān-e-giraftār kaho

    raat ko us ke tabassum se lipaT kar so jaao

    sub.h uTTho to use shāhid-e-bāzār kaho

    zehn kyā chiiz hai jazbe haqīqat kyā hai

    farsh par baiTh ke tablīġh ke ash.ār kaho

    isī raftār se chaltā hai jahān-e-guzarāñ

    inhī qadmoñ pe zamāne ke qadam uThte haiñ

    koī ainak se dikhātā hai to ham dekhte haiñ

    koī kāñdhoñ pe uThātā hai to ham uThte haiñ

    ek raqqāsa-e-tannāz mahfil hai jahāñ

    kabhī aate haiñ bhatīje kabhī am uThte haiñ

    kabhī ik gosha-e-tārīk ke vīrāne meñ

    kisī jugnū ke chamakne pe fuġhāñ hotī hai

    kabhī is marhamat-e-ḳhās andāza nahīñ

    kabhī do buuñd chhalakne pe fuġhāñ hotī hai

    kabhī manzil ke tasavvur se jigar jalte haiñ

    kabhī sahrā meñ bhaTakne pe fuġhāñ hotī hai

    ham ne is chor ko sīnoñ meñ dabā rakkhā hai

    ham isī chor ke ḳhatre se pareshān bhī haiñ

    kaun samjhegā ki is sat.h-e-ḳhush-āvāz ke ba.ad

    usī Thahre hue tālāb meñ tūfān bhī haiñ

    bhaa.ī aañkh ke kāñTe pe nazar hai sab

    devtā bhī haiñ isī bazm meñ insān bhī haiñ

    ḳhatt-e-sartān se aatī hai millar āvāz

    aur america ke bāzār meñ kho jaatī hai

    jaais fikr ne ta.amīr kyā hai jis ko

    vo zamīñ hasrat-e-me.amār meñ kho jaatī hai

    kabhī manTo qalam ban ke dahaktī hai hayāt

    kabhī sarmā.e talvār meñ kho jaatī hai

    har payambar pe hañsā hai ye zamāna lekin

    har payambar ne jhukā.ī hai zamāne jabīñ

    apne ham-asr se ḳhā.if na ho ai vaqt aañch

    is miTTī meñ sitāroñ dhuāñ hai ki nahīñ

    isī miTTī se damaktī hai ye dhartī varna

    durd-e-yak-sāġhar-e-ġhaflat hai che duniyā o che-dīñ

    jism ke daaġh chhupānā to koī baat nahīñ

    ruuh ke zaḳhm sulagte haiñ pas-e-parda-e-dil

    sar chhupā lete ho tum ret meñ jis ke aage

    isī tūfān meñ ghir jaate haiñ lākhoñ sāhil

    ek raahī jise ehsās na hasrat na talab

    ik safar jis meñ na manzil na surāġh-e-manzil

    apnī hassās subuk naak se rūmāl haTāo

    khaad meñ mahz ta.affun nahīñ ḳhez bhī hai

    zauq darkār hai qatre ko guhar karne meñ

    ye mai-e-nāb pur-asrār bhī hai tez bhī hai

    kuchh to hai vaj.h-e-dil-āzārī-o-āhañg-o-satez

    varna ye tab-e-ḳhush-aḳhlāq-o-kam-āmez bhī hai

    shahr tīra-o-tārīk guzargāhoñ meñ

    dāstāñ hogī to manTo qalam likkhegā

    ziist qānūn o farāmīn-e-qafas ke aage

    be-zabāñ hogī to manTo qalam likkhegā

    is shifā-ḳhāna-e-aḳhlāq meñ nashtar ke qarīb

    rag-e-jāñ hogī to manTo qalam likkhegā

    gopī-nāth aur zafar-shāh ke jaise kirdār

    kitnī gumnāmī meñ lete haiñ mar jaate haiñ

    kis ne un āñkhoñ meñ vo ḳhvāb lahakte dekhe

    jo is insānoñ ke jañgal meñ bikhar jaate haiñ

    kis ā.īna hai mozel us ruuh aks

    jis meñ maryam ke hasīñ naqsh nikhar jaate haiñ

    ai na.e asr rag rag ko samajhne vaale

    fahm-o-idrāk badī haiñ to badī terī hai

    chand lamhoñ ḳhudā.ī hai rivāyāt ke saath

    fan ke ādarsh rūh-e-abadī terī hai

    maut ye sirf sa.ādat hai manTo nahīñ

    ye shab-o-roz tire haiñ ye sadī terī hai

    ghas se bach ke chalo ret ko gulzar kaho

    narm kaliyon pe chaDha do gham-e-dauran ke ghilaf

    KHud ko dil tham ke murghan-e-giraftar kaho

    raat ko us ke tabassum se lipaT kar so jao

    subh uTTho to use shahid-e-bazar kaho

    zehn kya chiz hai jazbe ki haqiqat kya hai

    farsh par baiTh ke tabligh ke ashaar kaho

    isi raftar se chalta hai jahan-e-guzaran

    inhi qadmon pe zamane ke qadam uThte hain

    koi ainak se dikhata hai to hum dekhte hain

    koi kandhon pe uThata hai to hum uThte hain

    ek raqqasa-e-tannaz ki mahfil hai jahan

    kabhi aate hain bhatije kabhi am uThte hain

    kabhi ek gosha-e-tarik ke virane mein

    kisi jugnu ke chamakne pe fughan hoti hai

    kabhi is marhamat-e-KHas ka andaza nahin

    kabhi do bund chhalakne pe fughan hoti hai

    kabhi manzil ke tasawwur se jigar jalte hain

    kabhi sahra mein bhaTakne pe fughan hoti hai

    hum ne is chor ko sinon mein daba rakkha hai

    hum isi chor ke KHatre se pareshan bhi hain

    kaun samjhega ki is sath-e-KHush-awaz ke baad

    usi Thahre hue talab mein tufan bhi hain

    bhai ki aankh ke kanTe pe nazar hai sab ki

    dewta bhi hain isi bazm mein insan bhi hain

    KHatt-e-sartan se aati hai millar ki aawaz

    aur america ke bazar mein kho jati hai

    jais ki fikr ne tamir kya hai jis ko

    wo zamin hasrat-e-meamar mein kho jati hai

    kabhi manTo ka qalam ban ke dahakti hai hayat

    kabhi sarmae ki talwar mein kho jati hai

    har payambar pe hansa hai ye zamana lekin

    har payambar ne jhukai hai zamane ki jabin

    apne ham-asr se KHaif na ho ai waqt ki aanch

    is ki miTTi mein sitaron ka dhuan hai ki nahin

    isi miTTi se damakti hai ye dharti warna

    durd-e-yak-saghar-e-ghaflat hai che duniya o che-din

    jism ke dagh chhupana to koi baat nahin

    ruh ke zaKHm sulagte hain pas-e-parda-e-dil

    sar chhupa lete ho tum ret mein jis ke aage

    isi tufan mein ghir jate hain lakhon sahil

    ek rahi jise ehsas na hasrat na talab

    ek safar jis mein na manzil na suragh-e-manzil

    apni hassas subuk nak se rumal haTao

    khad mein mahz taffun hi nahin KHez bhi hai

    zauq darkar hai qatre ko guhar karne mein

    ye mai-e-nab pur-asrar bhi hai tez bhi hai

    kuchh to hai wajh-e-dil-azari-o-ahang-o-satez

    warna ye tab-e-KHush-aKHlaq-o-kam-amez bhi hai

    shahr ki tira-o-tarik guzargahon mein

    dastan hogi to manTo ka qalam likkhega

    zist qanun o faramin-e-qafas ke aage

    be-zaban hogi to manTo ka qalam likkhega

    is shifa-KHana-e-aKHlaq mein nashtar ke qarib

    rag-e-jaan hogi to manTo ka qalam likkhega

    gopi-nath aur zafar-shah ke jaise kirdar

    kitni gumnami mein ji lete hain mar jate hain

    kis ne un aankhon mein wo KHwab lahakte dekhe

    jo is insanon ke jangal mein bikhar jate hain

    kis ka aaina hai mozel ki us ruh ka aks

    jis mein maryam ke hasin naqsh nikhar jate hain

    ai nae asr ki rag rag ko samajhne wale

    fahm-o-idrak badi hain to badi teri hai

    chand lamhon ki KHudai hai riwayat ke sath

    fan ke aadarsh ki ruh-e-abadi teri hai

    maut ye sirf saadat ki hai manTo ki nahin

    ye shab-o-roz tere hain ye sadi teri hai

    Source:

    • Book: Kulliyat-e-Mustafa Zaidi(Mouj meri sadaf sadaf) (Pg. 54)
    • Author: Mustafa Zaidi
    • Publication: Alhamd Publications (2011)
    • Edition: 2011
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites